दंतेवाड़ा ले दिनेश गुप्ता, दंतेवाड़ा पुलिस कोति ले चलाए जात नक्सल विरोधी अभियान के तहत अरनपुर थाना क्षेत्र के नहारी ककड़ी क्षेत्र म माओवादी मन के उपस्थिति के सूचना के आधार म थाना अरनपुर अउ एसटीएफ अउ सीआरपीएफ बटालियन के संघरा पुलिस पार्टी ह ग्राम ककाड़ी के समारू पारा जंगल पहाड़ी म माओवादी मन कोति ले पहिली ले घात लगा के आईईडी लगाए गए रहिस। गश्त सर्चिंग म निकले संघरा टीम के बीडीएस टीम कोति ले जइसनहे मौका ले आईईडी बम खोजे गीस जंगल के आड़ लेके लुकाये माओवादी भागे लगिन। जेमां ले एक माओवादी ल घेराबंदी करके पकड़े गीस। पकड़े गए माओवादी ले पूछताछ करे म ओ हर अपन नाम हेमला देवा उमर 26 साल बताइस अऊ वो ह माओवादी संगठन म जनमिलिशिया सदस्य के रूप म काम करना बताइस। गिरफ्तार माओवादी साल 2014 ले माओवादी संगठन ले जुड़के काम करत रहिस। वो माओवादी मन के बड़े लीडर मन के गांव म आए के बेरा म भोजन के व्यवस्था करना, संत्री ड्यूटी करना, पुलिस पार्टी के आए जाय के सूचना देना, अउ पुलिस पार्टी ल नुकसान पहुंचाए बर स्पाइक होल लगाना, प्रेशर बम लगाय के काम करे रहिस। गिरफ्तार माओवादी के कब्जा ले घटनास्थल म 1 मीटर कोडेक्स वायर अउ आन दैनिक उपयोग के सामान बरामद करे गीस।