अम्बिकापुर म आदर्श गोठान मन ल मल्टीएक्टिविटी सेन्टर के रूप म करे जात हे विकसित

अम्बिकापुर, 11 मार्च 2020। राज्य शासन के महत्वकांक्षी योजना नरवा, गरवा, घुरूवा अऊ बाड़ी योजना के तहत कलेक्टर डॉ. सारांश मित्तर के मार्गदर्शन अउ जिला पंचायत के मुख्य कार्यपालन अधिकारी श्री कुलदीप शर्मा के सियानी म जिला म 195 स्वीकृत गोठान मन म अब तक 60 पूरा हो गए हे। एमां ले 14 आदर्श गोठान मन ल मल्टीएक्टिविटी सेन्टर के रूप म विकसित करे बर हर एक जनपद मन म दू-दू गोठान मन के चयन करे गए हे। ए गोठान मन ले जुड़े स्व सहायता समूह के महिला मन सजावटी सामान, मशरूम उत्पादन, अगरबत्ती निर्माण, गमला निर्माण, मुर्तियां, पंचगब्य, जैविक कीट नाशक अऊ वर्मी कम्पोष्ट जइसन आजीविका गतिविधि मन के प्रशिक्षण लेके स्वरोजगार कोति अपन कदम बढ़ावत हें। जिला के सबो सातो जनपद मन म स्थित आदर्श गोठान मन ले जुड़े करीबन 600 स्व सहायता समूह के महिला मन ल 10 प्रकार के कई उत्पाद बनाए बर प्रशिक्षण देहे गए हे।
मिले जानकारी के मुताबिक जनपद पंचायत अम्बिकापुर अंतर्गत आदर्श गोठान केश्वपुर के देवी स्व सहायता समूह कोति ले गोबर के अगरबत्ती अउ दीपक निर्माण, आदर्श गोठान सरगांव म महेश्वरी स्व सहायता समूह कोति ले मशरूम उत्पादन, जनपद पंचायत लुण्ड्रा अंतर्गत आदर्श गोठान पुरकेला म नदी स्व सहायता समूह कोति ले बायोगैस प्लांट संचालन, आदर्श गोठान लमगांव म उजाला स्व सहायता कोति ले घड़ी, दीया अऊ आन सजावटी सामान, जनपद पंचायत उदयपुर अंतर्गत आदर्श गोठान सरगांव म पैरा स्व सहायता समूह कोति ले घड़ी अउ नेम प्लेट निर्माण, आदर्श गोठान भकुरमा म सीता स्व सहायता समूह कोति ले गमले अउ अगरबत्ती निर्माण, जनपद पंचायत लखनपुर अंतर्गत आदर्श गोठान पुहपुटरा अउ आदर्श जयपुर म अंजली स्व सहायता समूह कोति ले गमला अउ अगरबत्ती निर्माण, जनपद पंचायत बतौली अंतर्गत आदर्श गोठान सरमना म श्वेता स्व सहायता समूह कोति ले गमला अउ दीया निर्माण, आदर्श गोठान झरगवां म शांति स्व सहायता समूह कोति ले वर्मी कम्पोष्ट, जनपद पंचायत मैनपाट अंतर्गत आदर्श गोठान उडूमकेला म शिप्रा स्व सहायता समूह कोति ले वर्मी कम्पोष्ट, आदर्श गोठान कोट म एकता स्व सहायता समूह कोति ले वर्मी कम्पोष्ट कोति ले जनपद पंचायत सीतापुर अंतर्गत आदर्श गोठान सोनतराई अउ आदर्श ढोढ़ागांव म सुनहरा स्व सहायता समूह कोति ले वर्मी कम्पोष्ट अऊ गोबर खाद तियार करे जात हे।