जाजंगीर-चांपा जिला के पहिली प्राकृतिक पेंट बनाए के इकाई
अफरीद ग्राम पंचायत के करे गईस गोबर पेंट ले पोतई
जाजंगीर-चांपा, नेहा राठौर के खबर/ मुख्यमंत्री श्री भूपेश बघेल के सोचे मुताबिक कई ठन जिला के गौठान म गोबर पे पेंट बनाए के यूनिट चालू करे जाथ हे।संगे म गोबर ले बने वाले पेंट ले सरकारी कार्यालय मन ले पोतई घलो करत हे। जाजंगीर-चांपा जिला म बम्हनीडीह विकासखण्ड के गांव अफरीद के आदर्श गौठान म महात्मा गांधी ग्रामीण औद्योगिक पार्क योजना के तहत गोबर पेंट निर्माण यूनिट के स्थापना करे गए हे, जेन ह ए जिला ले पहिली प्राकृतिक पेंट निर्माण इकाई आए।
इंहा के यूनिट म विश्व स्व सहायता समूह वाले मन के द्वारा 120 लीटर प्राकृतिक पेंट के निर्माण घलो करे जा चुके हे, ओई पेंट म अफरीद गाँव के ग्राम पंचायत भवन के पोतई घलो करे गए हे।जेन म 40 लीटर पेंट के उपयोग करे गईस हे। संगे म जिल के अउ सरकारी भवन के घलो रंगई पुतई ए प्राकृतिक पेंट ले करे के निर्देश दिए गए हावय। ए गोबर पेंट ह इको फ्रेंडली होए के संग बैक्टीरिया अउ फंगस रोधी घलो आए।
प्रदेश सरकार के महत्वाकांक्षी योजना नरवा, गरवा, घुरवा अउ बारी, गोधन न्याय योजना के तहत गउठान मन म गोबर ले वर्मी कंपोस्ट के संग अऊ कछु कछु उत्पाद के निर्माण महिला स्व सहायता समूह मन द्वारा करे जाथ हे। ए योजना के अनतरगत जाजंगीर-चांपा जिला म गोमूत्र ले फसल कीटनाशक अउ जीवामृत घलो तियार करे जाथ हे ।
