हैरिटेज बिल्डिंग के रूप म संरक्षित करे के होही उदीम
रायपुर, 25 जून 2024। उप मुख्यमंत्री श्री विजय शर्मा ह आज बिलासपुर जिला के कोनी स्थित आदर्श आईटीआई के जांच करिन। अभी हाले म लगभग 1200 विद्यार्थी ये मां कई प्रकार के 33 ट्रेड म पढ़ाई करत हें। श्री शर्मा ह कई ठन शाखा मन के जांच करके पढ़ाई करत लइका मन ले बातचीत करिन। उमन ए संस्थान के विकास ल लेके अधिकारी मन के बैठक घलोक लीन। उपमुख्यमंत्री श्री शर्मा ह कहिन कि जनप्रतिनिधि मन ले सलाह लेके ए प्राचीन संस्थान के गरिमा ल फेर स्थापित करे बर एक कार्ययोजना तैयार करे के निर्देश घलोक उमन दीन। ए अवसर म विधायक श्री सुशांत शुक्ला, जिला पंचायत अध्यक्ष श्री अरूण सिंह चौहान अउ कलेक्टर अवनीश शरण संग आन अधिकारी अउ जनप्रतिनिधि उपस्थित रहिन।
निरीक्षण के समय उप मुख्यमंत्री श्री विजय शर्मा ह कहिन कि लइका मन के सुविधा बर एक अऊ हॉस्टल बनाये के जरूरत हे। फिलहाल केवल सवा सौ छात्र-छात्रा मन बर दू हॉस्टल सुविधा हे, जेन अपर्याप्त हे। उमन संचालित ए दुनों छात्रावास म मेस सुविधा घलोक शुरू करे के निर्देश दीन। उमन समय के मांग के मुताबिक नवा ट्रेड्स खोले के जरूरत घलोक बताईन। जेन ट्रेड म रोजगार अउ नौकरी के संभावना बंद हो गए हे, ओ मन ल बंद करे के प्रस्ताव घलोक संचालनालय भेजे ल कहिन। आईटीआई अभी हाल म 60 एकड़ जमीन म फैले हे। एखर सामने के कुछ हिस्सा ल व्यावसायिक उद्देश्य बर बदल के संस्थान के आमदनी बढ़ाए जा सकत हे। श्री शर्मा ह कहिन कि काबर कि ये एशिया के सबसे पहली आईटीआई के रूप म पहिचान रखथे। ते पाए के एला हैरिटैज बिल्डिंग के रूप म संरक्षित रखे के प्रयास करना चाही। उमन संस्थान के परिसर के साफ-सफाई करे के निर्देश घलोक दीन।
