- राजीव गांधी किसान न्याय योजना अउ क्वारेंटाइन सेंटर म श्रमिक बर उपलब्ध सुविधा के बारे म जानकारी लीन
मुंगेली 19 मई 2020// कोरोना महामारी संक्रमण के रोकथाम बर मुख्यमंत्री श्री भूपेश बघेल के मंशा के अनुरूप छत्तीसगढ़ शासन मे गृह अउ मुख्यमंत्री के अपर मुख्य सचिव श्री सुब्रत साहू ह कल विडियो कान्फ्रेसिंग के माध्यम ले राजीव गांधी किसान न्याय योजना अउ क्वारेंटाइन सेंटर म श्रमिक बर उपलब्ध सुविधा के बारे मे जानकारी लीन । बैठक म राजीव गांधी किसान न्याय योजना के तहत चिन्हाकित फसल उत्पादन करैया किसान ल लाभांवित करे जहि। एखर लिये डी.बी.टी. के माध्यम ले राशि सीधा किसान के बैंक खाता म डाले जही। कोरोना संक्रमण के रोकथाम के चौथा लाॅकडाउन म जारी दिशा-निर्देश के कड़ाई से पालन कराय के निर्देश दिन। क्वारेंटाइन सेंटर म क्वारेेंटाइन करे गे श्रमिक ल हर हाल मे 14 दिन तक रहना होही। कंटेनमेट क्षेत्र मे कोनों भी प्रकार के सामाजिक या सार्वजनिक गतिविधि संचालित नई होवय। श्री साहू ह कहीन कि क्वारेंटाइन सेंटर बर शासकीय भवन के कमी नई ये । कोनो भी हालत म ग्राम पंचायत ल क्वारंटाइन सेंटर नई बनाय जाय। विडियो कान्फ्रेसिंग के माध्यम ले आन प्रदेश के सीमा ले अवइया श्रमिक बर भोजन, पेयजल अउ खाली पैर अवइया श्रमिक के लइका बर सामाजिक संस्था के सहयोग ले चरण पादुका के रूप मे (जूते चप्पल) घलो उपलब्ध कराय के निर्देश दिन। लागू एप्प म बाहर ले अवइया श्रमिक अउ आन लोगन मन ल रजिसट्रेशन करे के निर्देश दिन। होटल, सिनेमा, जिम, धार्मिक स्थल अउ साप्ताहिक बाजार बंद रही। सार्वजनिक परिवहन, बस, टैक्सी, रिक्शा, सेवा बंद रही। कलेक्टोरेट स्थित सीजी स्वन म आयोजित विडिया कान्फेसिंग म कलेक्टर डाॅ. सर्वेश्वर नरेंद्र भुरे ह बताइन कि हाॅटल कस्तुरी अउ हाॅटल सिंह इंटरनेशनल के साथ-साथ शासकीय स्कूल, आंगनबाडी केंद्र, मगल भवन, सामुदायिक भवन, छात्रावास सहित आन शासकीय परिसर म 176 क्वारेंटाइन सेंटर स्थापित करे गे हे। एखर अलावा 26 अशासकीय शाला ल घलो क्वारेंटाइन सेंटर के रूप मे चिन्हाकित करे गे हे। वीडियो कॉन्फ्रेंसिंग म छत्तीसगढ़ शासन मे अपर मुख्य सचिव पंचायत अउ ग्रामीण विकास श्री गौरव द्विवेदी, सचिव स्वास्थ्य श्रीमती निहारिका बारिक सिंह, सचिव श्रम श्री सोनमणि बोरा, सचिव परिवहन डॉ. कमलप्रीत सिंह सहित मुंगेली जिला के पुलिस अधीक्षक श्री डी. श्रवण, वनमण्डला अधिकारी श्री कुमार निशांत, अतिरिक्त पुलिस अधीक्षक श्री चंदेल, मुख्य चिकित्सा एवं स्वास्थ्य अधिकारी डाॅ. महादेव तेंदवे , स्वास्थ्य मिशन जिला कार्यक्रम प्रबंधक श्री उत्कर्ष तिवारी घलो मौजूद रहिंन.
मुंगेली ले दिलीप बसंत
