रायपुर, 13 अक्टूबर 2020। मुख्यमंत्री श्री भूपेश बघेल ह कहिन के बस्तर अंचल के विकास ले ही बस्तर के समस्या मन के समाधान होही। उमन उद्योगपति मन ले बस्तर म स्टील संग खाद्य अऊ लघुवनोपज प्रसंस्करण उद्योग म निवेश करे के आव्हान करिन। मुख्यमंत्री ह कहिन के स्टील सेक्टर के उद्योग मन बर रॉ मटेरियल के कमी नइ होए देहे जाए। बस्तर अंचल म उद्योग मन के स्थापना बर भरपूर शासकीय जमीन उपलब्ध हे। राज्य सरकार ह स्टील सेक्टर बर छूट देवत हे तेकर लाभ जादा ले जादा उद्योगपति उठा सकत हें। ये मौका म उद्योग मंत्री श्री कवासी लखमा अऊ राज्य नागरिक आपूर्ति निगम के अध्यक्ष श्री राम गोपाल अग्रवाल घलोक उपस्थित रहिन।
विकास ले ही होही बस्तर के समस्या मन के समाधान: श्री भूपेश बघेल
