लइका मन ल अंडा अऊ अकतहा पोषण आहार, अऊ माता मन के एचबी जांच अऊ सुपोषण थाली के संग कुपोषण ल दूर करे प्रशासन के हर संभव प्रयास जारी
कोरिया, कोरिया जिला म मुख्यमंत्री सुपोषण अभियान के तहत माता अऊ लइका मन ल शत प्रतिशत लाभ पहुंचाए बर हर संभव प्रयास करे जात हे। इही कड़ी म जिला म लइका अऊ गर्भवती, शिशुवती माता मन ल तात जेवन देहे जात हे। सुपोषण थाली के माध्यम ले आंगनबाड़ी केन्द्र मन म एनीमिक गर्भवती अऊ शिशुवती माता मन ल हफ्ता म सोमवार ले सुकरवार हफ्ता म पांच दिन पोषण सहित आहार देहे जात हे। कलेक्टर श्री कुलदीप शर्मा के विशेष पहल म रोजाना आंगनबाड़ी केन्द्र तक आए म असमर्थ महिला मन ल ऊंखर घर अऊ कार्यक्षेत्र तक पहुंचके आंगनबाड़ी कार्यकर्ता मन टिफिन के माध्यम ले पोषण आहार देवत हें। वनांचल ले घिरे कोरिया जिला म ग्रामीण परिवेश म महिला मन घर-परिवार के देखरेख अऊ कामकाज म व्यस्तता के चलते पोषण आहार के अनदेखी करथें जेकर से कई प्रकार के स्वास्थ्य समस्या होथे। एनीमिया के श्रेणी म अवइया महिला मन म सबले जादा संख्या गर्भवती अऊ शिशुवती माता मन के होथे। एनीमिया ले बचाय जिला म एनीमिक गर्भवती, शिशुवती माता मन ल सुपोषण थाली देहे जात हे।
