रायपुर, रायपुर के आरडी तिवारी आत्मानंद विद्यालय के कक्षा दसवीं के छात्र आदित्य चौरसिया के ऊर्जा उपर बनाए पेंटिंग छत्तीसगढ़ राज्य ले नेशनल स्तर म चुने गीस अऊ पुरस्कृत होइस हे। ये गौरवपूर्ण उपलब्धि बर राष्ट्रपति ह आदित्य चौरसिया ल जनवरी महिना म विज्ञान भवन नई दिल्ली म आयोजित कार्यक्रम म पुरस्कृत अऊ सम्मानित करहीं। मुख्यमंत्री श्री भूपेश बघेल ले आज संझा ऊंखर निवास कार्यालय म अपन माता-पिता के संग छात्र आदित्य चौरसिया ह सौजन्य मुलाकात करिस। ये बेरा म उमन मुख्यमंत्री श्री भूपेश बघेल के नेतृत्व वाले छत्तीसगढ़ सरकार के तीन साल के कार्यकाल म बनाय गए पेंटिंग घलोक भेंट करिन।
छात्र आदित्य चौरसिया के राष्ट्रीय स्तर म पुरस्कृत अक्षय ऊर्जा उपर बनाय पेंटिंग बर मुख्यमंत्री श्री भूपेश बघेल ह दीन बधाई अऊ शुभकामना
