राज्यपाल श्री डेका ह मेधावी छात्र आदित्य के करिस सम्मान

रायपुर, राज्यपाल श्री रमेन डेका ह काली इहां राजभवन म बेमेतरा जिला के मेधावी छात्र श्री आदित्य तिवारी के सम्मान करिस। राज्यपाल श्री डेका ह छात्र ल 10 हजार रूपिया के प्रोत्साहन राशि प्रदान करिन, संगेच राजकीय गमछा अउ स्मृति चिन्ह भेंट करिन। श्री डेका ह छात्र के उज्ज्वल भविष्य बर शुभकामना दीन। 
जानबा हे के बेमेतरा जिला के ग्राम जमघट निवासी छात्र आदित्य ह ए साल सीबीएसई 12 वीं बोर्ड के परीक्षा म 97.4 प्रतिशत अंक के संग पास करे हे संगेच जेईई मेन्स म 99 प्रतिशत अऊ जेईई एडवान्स परीक्षा म अच्छा रेंक लाए हे।  ए बेरा म छात्र के परिजन घलोक उपस्थित रहिन।