जिला के 124 सड़क मन के कुल लम्बाई 367.66 किलोमीटर के नवनीकरण मरम्मत बर 68.5 करोड़ के मिलीस मंजूरी
कैबिनेट मंत्री श्री अकबर अऊ पंडरिया विधायक श्रीमती ममता चन्द्राकर के उदीम ले पंचायत अऊ ग्रामीण विकास विभाग ह सड़क मन के नवनीकरण बर 68 करोड़ के दीस मंजूरी
कवर्धा, कबीरधाम जिला के आदिवासी बैगा बाहुल बोड़ला अऊ पंडरिया विकासखण्ड के दूरिहा के वनांचल गांव मन संग मैदानी क्षेत्र कवर्धा अऊ सहसपुर लोहारा के शहर ले गांव तक जोड़इया सबो 124 सड़क मन के तस्वीर बदलइया हे। कैबिनेट मंत्री अऊ कवर्धा विधायक श्री मोहम्मद अकबर अऊ पडंरिया विधायक श्रीमती ममता चन्द्राकर के प्रस्ताव उपर छत्तीसगढ़ शासन के पंचायत अऊ ग्रामीण विकास विभाग ह 124 सड़क मन के नवनीकरण अऊ मरम्मत काम बर 68.5 करोड़ रूपिया के मंजूरी मिल गए हे। पास होए 68.5 करोड़ रूपिया के राशि ले कुल 367.66 किलोमीटर लम्बा सड़क मन के तस्वीर बदलही।
जानबा हे कि कबीरधाम जिला के कवर्धा, सहसपुर लोहारा, बोडला अऊ पंडरिया विकासखण्ड के गांव मन के कस्बा ले अऊ कस्बा ल शहर मन ल जोड़इया प्रधानमंत्री ग्राम सड़क योजना के सबो सड़क मन अड़बड़ दिन ले समय ले खराब हे। गांव वाले मन अड़बड़ दिन ले ए सड़क मन के मरम्मत बर मांग करत रहिन। कैबिनेट मंत्री अऊ कवर्धा विधायक श्री मोहम्मद अकबर अऊ पंडरिया विधायक श्रीमती ममता चन्द्राकर ल बेरा-बेरा म गांव वाले मन ह ए सड़क मन ल सुधारे बर आवेदन घलोक देवत रहे हें। गांव वाले मन के समस्या मन ल देखत कैबिनेट मंत्री श्री अकबर ह कलेक्टर श्री रमेश कुमार शर्मा ल जिला के पीएमजीएमवाय नवनीकरण अऊ मरम्मत चाहत खराब सड़क मन के सर्वे करे के निर्देश देहे रहिन। कलेक्टर के निर्देश म प्रधानमंत्री ग्राम सड़क योजना के कार्यपालन अभियंता दीपक मिश्रा ह अइसन सबो सड़क मन के सर्वे करके रिपोट देहे रहिन। कवर्धा विधायक श्री अकबर अऊ पंडरिया विधायक श्रीमती ममता चन्द्राकर के प्रस्ताव के बाद विभाग कोति ले जिला के कुल 124 सड़क मन के कुल लम्बाई 367.66 किलोमीटर के नवनीकरण बर राज्य शासन के पंचायत अऊ ग्रामीण विकास विभाग ल स्वीकृति बर भेजे गए रहिस। विभाग ह जिला अइसन सबो 124 सड़क मन बर 68.5 करोड़ रूपिया के मंजूरी देहे हे।
कबीरधाम जिला म वनांचल अऊ मैदानी इलाका के 124 सड़क मन होही चका-चक
