बस्तर के ग्रामीण अंचल मन म सोशल डिस्टेनसिंग के संग जरूरतमंद अउ निःशक्तजन मन ल दाल, चावल अऊ सब्जी बांटे जात हे
रायपुर, 28 मार्च 2020। राज्य शासन के हुकुम के मुताबिक बस्तर कलेक्टर डॉ. अय्याज तम्बोली के बताए रद्दा के मुताबिक जिला के ग्राम पंचायत मन म सरपंच, उपसरंपच, ग्राम पंचायत सचिव, रोजगार सहायक अऊ मितानिन मन के सहयोग ले गाँव के जरूरतमंद अउ निःशक्तजन मन बर दाल, चावल, सब्जी आदि के वितरण करे जात हे।
ये सामान के वितरण के बेरा म गांव वाले मन के बीच सामान्य दूरी बनाके ही सामान के वितरण करे जात हे। जिला के ग्राम पंचायत मांदर, बडाजी, मटनार, सुआचोंडा, ढोंढरेपाल, नेंगानार संग आन गांव मन म घलोक ये प्रकार के सुविधा उपलब्ध कराके मनखे मन ल राहत पहुचाए जात हे।