रायपुर, 22 अक्टूबर 2020। राज्य शासन द्वारा कॉलेज मन म प्रवेश के तिथि ल 22 अक्टूबर ले बढ़ा के 29 अक्टूबर कर देहे गे हे। छत्तीसगढ़ के विभिन्न विश्वविद्यालय मन के कुलपति के अनुमति ले महाविद्यालय के प्राचार्य मन द्वारा छात्र-छात्रा मन ल प्रवेश देहे जाही। राज्य शासन द्वारा कोविड-19 महामारी ले उत्पन्न स्थिति के सेती छात्र हित म ए निर्णय लेहे गे हे। कॉलेज मन म प्रवेश के तिथि 29 अक्टूबर तक बढ़ाए के संबंध म उच्च शिक्षा विभाग द्वारा मंत्रालय महानदी भवन ले आदेश जारी करे गे हे।
गौरतलब हे कि उच्च शिक्षा विभाग के सचिव धनंजय देवांगन ह 9 अक्टूबर के मंत्रालय म वीडियो कॉन्फ्रेंसिंग के माध्यम ले विश्वविद्यालय मन के कुलपति मन अऊ विद्यालय मन के प्राचार्य मन ले कॉलेज मन म प्रवेश, ऑनलाइन क्लास, परीक्षा परिणाम अऊ पाठ्यक्रम मन के संबंध म चर्चा करिन। ए दौरान विभिन्न विश्वविद्यालय मन के कुलपति मन ह कॉलेज मन म शत प्रतिशत सीट मन म प्रवेश हो सके एखर बर प्रवेश बर निर्धारित तिथि 22 अक्टूबर ले बढ़ा के 30 अक्टूबर तक करे के घलो सुझाव देहे रहिस।