बदलत दंतेवाड़ा: उद्यानिकी के उन्नत तकनीक ले किसान के आर्थिक स्थिति म होवत हे सुधार

दन्तेवाड़ा, बदलत बेरा के मुताबिक किसान मन ह नवा तकनीकी के संग खेती करत हें अऊ मेहनत के बल म परिवार के आर्थिक स्थिती मजबूत करत समाज ल नवा दिशा देवत हें।अइसनहेच किसान सूरज पिता बीज्जा ग्राम गंजेनार विकासखण्ड दन्तेवाड़ा के निवासी ये। सूरज ह पहिली परम्परागत तरीका ले खेती करत रहिस। जेखर से साल भर म 25-30 हजार रूपिया के आय होवत रहिस।
एकर बाद वो ह उद्यानिकी विभाग के मार्गदर्शन म उन्नत तकनीक ले साग-सब्जी उत्पादन करना सुरू करिस। राष्ट्रीय कृषि विकास योजना अंतर्गत उद्यानिकी विभाग ले मल्चिंग बर अनुदान प्राप्त करके ड्रिप अउ मल्चिंग विधि ले 1.00 हेक्टेयर क्षेत्र म बैंगन (भांटा) के खेती करिस जेखर से वो ला 1.16 लाख के आमदनी होइस।
सुरज ह नवा तकनीक अपनाके उद्यानिकी खेती करे ले जादा आमदनी होए म अड़बड़ खुस हे। सूरज ह खेती म नवा तकनीक अपनाईस अऊ आज खेती के बदौलत अपन आर्थिक जरूरत मन ल पूरा करत हे। अब वोकर परिवार घलोक अड़बड़ खुश हे। गंजेनार अउ तीर-तखार के गांव के किसान मन बर किसान सूरज एक आदर्श कृषक के रूप म जाने जाथे। जेन ल देखके आन किसान घलोक उद्यानिकी फसल उत्पादन के नवा तकनीक म खेती करे के प्रेरणा लेवत हें।