दंतेवाड़ा, अपन चारो कोति पहाड़ ले घिरे हरा-भरा वादी के बीच प्रशासनिक अऊ धार्मिक महत्व के स्थल दंतेवाड़ा म डंकिनी नदी के पार म विकसित होवत एडवेंचर स्पोर्ट्स जल्दीच आकर्षण के केन्द्र बनही। इहां साहसिक खेल अऊ मनोरंजन ल बढ़ावा देहे बर बस्तर संभाग के पहिली एडवेंचर पार्क के स्थापना जिला खनिज संस्थान न्यास निधि (डी.एम.एफ.) मद के तहत जिला प्रशासन अऊ वन विभाग कोति ले संघरा करे जात हे।
एडवेंचर पार्क म संचालित होवइया साहसिक खेल गतिविधि अऊ प्रशिक्षण ले पर्यटक अऊ नागरिक मन ल अपन स्वास्थ्य ल उत्तम बनाए रखे के महत्वपूर्ण लाभ मिलही। मुख्यमंत्री श्री भूपेश बघेल के मंशा के मुताबिक वन अऊ जलवायु बदलाव मंत्री श्री मोहम्मद अकबर के मार्गदर्शन म शासन-प्रशासन के पहल ले विकसित करे जात ये पार्क दंतेवाड़ा जिला के पर्यटन विकास के क्षेत्र म एक महत्वपूर्ण कड़ी साबित होही। एखर तहत सायकल जिप लाइन के निर्माण संग सुविधा मन ल विकसित करे जात हे। एखर अलावा दंतेवाड़ा अऊ एखर आसपास ढोलकल अऊ सातधार आदि महत्वपूर्ण स्थान मन तक पर्यटन सुविधा मन ल बढ़ाए जात हे।
एडवेंचर पार्क एक आधुनिक व्यायाम प्रक्रिया साधन हे, जेमां जिप लाइन, साइकिल जिप लाइन, किड एडवेंचर स्पोर्ट्स जइसे रस्सी ले बने पुल, हवा म ऊपर छलांग लगाय वाला कमरबंद झूला आदि साहसिक खेल प्रदर्शन के माध्यम ले नवा विधि अऊ तकनीक ले परिचय कराना हे। एला ध्यान म रखत खेल प्रशिक्षक अऊ खेल वैज्ञानिक मन पार्क के माध्यम ले एकदम नवा अऊ प्रभावी जानकारी कुशलता ले प्रदान करे जाही। संगेच ये पर्यटन के क्षेत्र म पर्यटक मन के रुचि के केन्द्र अऊ दंतेवाड़ा जिला के प्रगति म मील के पत्थर साबित होही।
ये कड़ी म जिला के अंतर्गत पर्यटन के क्षेत्र म ढोलकल पहाड़ी म प्राचीन भगवान गणेश जी के प्रतिमा विश्व-विख्यात हे। इहां देश अऊ विदेश ले पर्यटक दर्शन बर पहुंचथे। एला ध्यान म रखत ढोलकल म बस्तर अऊ छत्तीसगढ़ के पारंपरिक शैली मुताबिक पर्यटक मन के रुके के उत्तम व्यवस्था अऊ पारंपरिक खान-पान ले संबंधित गढ़कलेवा ल स्थानीय रोजगार ले जोड़े के महत्वपूर्ण योजना घलोक बनाए जात हे। अइसनहे परंपरागत बस्तर अऊ छत्तीसगढ़िया खान-पान ल समाहित करत अत्याधुनिक कॉटेज हट अपन आप म आधुनिकता ल पारंपरिक संस्कृति के संरक्षण अऊ लोकप्रियता के संग प्रदर्शित करही।
दंतेवाड़ा म एडवेंचर स्पोर्ट्स होही आकर्षण के केन्द्र
