रायपुर म महिला वकील के संग झगरा

रायपुर, महिला वकील जुही जायसवाल आचार्य के संग बदतमीजी करे के मामला आगू आए हे। पुलिस के मुताबिक जुही हाईकोर्ट बिलासपुर के वकील ये जेन छुट्टी म अपन ससुराल श्रीराम नगर रायपुर आए रहिस। घटना के बारे म मिले जानकारी के मुताबिक ओ ह कार म तेलीबांधा तरिया के आगू गुरूद्धारा तीर अपन पति पी आचार्या के संग पहुंचीस अऊ कार पार्किग करिस। ओकर बाद हुंडई क्रेटा नंबर CG04/MM/5901 के चालक ह नो पार्किग जोन मे गाड़ी ब्लाक करके खड़ा कर दीस। कार हटाए ल लेके दूनों म विवाद शुरू हो गे। इही बेरा म वाहन नंबर CG04/NL/5901 के चालक ह वकील के संग बदत्तमीजी करत गाली-गालौज करिस। अतकेच नहीं वोला जान ले मारे के धमकी घलोक दीस। शिकायत के आधार म पुलिस ह आरोपी के खिलाफ मामला दर्ज करे हे।