कोरबा, 7 अगस्त 2020। कोरबा जिला म लगातार होय बारिश के बाद बांगो नदी के जलस्तर लगातार बढ़त जावत हे। नदी के जल स्तर बढ़े के बाद बांगो बांध के दू अउ गेट खोल दे गे हे। अब इहां तीन गेट मन ले पानी छोड़े जावत हे।जल स्तर बढ़े के बाद बिहनिया गेट नंबर 6 खोले गे रिहिस ओखर बाद मंझनिया तक गेट नंबर 5 अउ 7 घलो खोल दे गे हे। ये तीनों गेट ले 14 हजार क्यूसेक पानी छोड़े जावत हे। उहें बिजली संयंत्र बर 9 हजार क्यूसेक पानी छोड़े जावत रिहिस। इही तरह ले बांधा ले 23 हजार क्यूसेक पानी छोड़े जावत हे। बांधा ले पानी छोड़े जाये ले निचला इलाका मन म पानी भरे के आशंका हे। जल भराव के स्थिति ल देखत हुए प्रशासन ह अलर्ट जारी करे हे।
ये जिला म लगातार बारिश के बाद बांधा के तीन गेट खोले गिस, प्रशासन ह जारी करिन अलर्ट
