बीजापुर, 21 अक्टूबर 2020। जिला के बासागुड़ा थाना क्षेत्र के पेद्दागेल्लूर के गोलकोंडा पहाड़ म नक्सली मन ह आईडी ब्लास्ट करे के बाद सुरक्षाबल अऊ नक्सली मन के बीच मुठभेड़ होए हे। दुनों तरफ ले होए गोलीबारी म एक नक्सली मारे गे हे, जबकि दू जवान ए घटना म घायल होए हे।
एसपी कमलोचन कश्यप ह घटना के पुष्टि करत हुए बतइस कि DRG, CAF, CRPF, कोबरा अऊ जिला बल के जवान एंटी नक्सल ऑपरेशन म निकले रिहिस। इही दौरान आईईडी विस्फोट के बाद माओवादी मन के संग जवान मन के मुठभेड़ होगे।
नक्सली मन द्वारा आईईडी विस्फोट करे म जिला बल के दू जवान रमेश भंडारी अऊ रमेश हेमला घायल होगे। उहें मुठभेड़ म एक माओवादी घलो ढेर होए हे। घटना स्थल के सर्चिंग के दौरान मारे गे माओवादी के शव, हथियार, IED, विस्फोटक, नक्सल सामग्री के संग ही बड़का मात्रा म दैनिक उपयोग के सामग्री बरामद करे गे हे।
