रायपुर, 29 अगस्त 2020। प्रदेश म पिछु तीन दिन ले सरलग बारिश जारी हे। एकर सेती प्रदेश के नदी-नाला मन उफान म हे। कई गांव म जिला मुख्यालय ले संपर्क बाधित होगे हे। जिला के प्रमुख नगर मन म सड़क दरिया बन गे हे, अउ घर मन म पानी भरे ले तालाब जइसे नजारा बन हे। मौसम विभाग ह अवइया 24 घंटा म घलो भारी बारिश के संभावना जताए हे। मौसम विभाग के अनुसार प्रदेश के अनेक स्थान म हल्का ले मध्यम बारिश होय या गरज चमक के संग छींटा पड़े के संभावना बताय गेहे। बिलासपुर अउ सरगुजा संभाग के पश्चिमी जिला अउ दुर्ग संभाग के उत्तर म स्थित जिला मन म भारी बारिश के संभावना हे। बिहनिया ले ही धूप-छांव के खेल जारी हे।
