आदिवासी अंचल अंबागढ़ चौकी के बायोटेक किसान हब परियोजना के किसान मन ह घलोक सीखिन एग्री ड्रोन तकनीक

राजनांदगांव, 13 अगस्त 2021। जिला के आदिवासी अंचल अंबागढ़ चौकी म डीबीटी बायोटेक – किसान हब के स्थापना करे गए हे जेन भारतीय कृषि अनुसंधान परिषद राष्ट्रीय जैविक स्ट्रेस प्रबंधन संस्थान बरौंडा रायपुर कोति ले कृषि विज्ञान केन्द्र राजनांदगांव कोति ले संचालित करे जात हे। किसान मन के आजीविका ल बेहतर बनाए बर ये योजना के तहत किसान मन ल उन्नत तकनीक के जानकारी समय-समय म देहे जात हे। डीबीटी बायोटेक किसान हब के तहत ए किसान मन ल हाई टेक खेती के तर्ज म ड्रोन तकनीक के प्रदर्शन अम्बागढ़ चौकी विकासखंड के पांच ग्राम सोनसायटोला, मांगाटोला, कौडूटोला, भड्सेना अउर सेम्हरबन्धा के किसान मन बर करे गीस।
जानबा हे कि कृषि विज्ञान केन्द्र सुरगी राजनांदगांव म एग्री ड्रोन के माध्यम ले नैनो यूरिया के छिड़काव तकनीक के प्रदर्शन करे गीस। कृषि विज्ञान केन्द्र राजनांदगांव के वरिष्ठ वैज्ञानिक अउर प्रमुख डॉ. बीएस राजपूत अउर ये परियोजना के प्रभारी श्रीमती गुंजन झा ह बताइस कि तमिलनाडु के कंपनी गरूड़ा ऐरो स्पेस कोति ले विकसित एग्री ड्रोन तकनीकी के माध्यम ले 1 एकड़ क्षेत्र म 20 लीटर पानी के उपयोग कर 20 मिनट म 1 एकड़ क्षेत्र म छिड़काव करे गीस जबकि हस्त चलित स्प्रे पंप ले छिड़काव करे म 1 एकड़ बर 400 ले 500 लीटर पानी के उपयोग होथे अऊ 2 श्रमिक 1 एकड़ क्षेत्र ल 1 दिन म छिड़काव करथे। एग्री ड्रोन तकनीक ले कृषि विज्ञान केन्द्र के प्रक्षेत्र म लगे धान फसल म नैनो यूरिया के छिड़काव के प्रदर्शन म एग्री ड्रोन बैट्री चलित रहिस एखर बैटरी बिजली ले चार्ज होथे। बैटरी के चार्ज करे म 20 मिनट के समय लागथे। ये ड्रोन के कीमत 6 लाख 50 हजार रूपिया हे। ये एग्री ड्रोन ले सबो प्रकार के उर्वरक, कीटनाशक, फफूंद नाशक अउर रसायन मन के छिड़काव करे जा सकत हे। एग्री ड्रोन कंपनी कोति ले प्रति एकड़ 400 रूपिया किराया निरधारित करे गए हे। ये एग्री ड्रोन तकनीकी ल जिला के किसान मन अड़बड़ सहरावत हें अऊ भविष्य म ये तकनीक ल अपनाए के इच्छा प्रकट करे हें। ये एग्री ड्रोन तकनीकी प्रदर्शन के अवसर म उप संचालक कृषि श्री जीएस धु्रर्वे, सहायक संचालक उद्यानिकी श्री राजेश शर्मा, कृषि महाविद्यालय राजनांदगांव के वैज्ञानिक डॉ. अविनाश गुप्ता, डॉ. एलके रामटेके, श्री द्विवेदी प्रसाद चौधरी, प्रोजेक्ट डायरेक्टर आत्मा श्री राजू साहू, मैनेजर ईफको श्री एके उपाध्याय, कृषि विज्ञान केन्द्र के वैज्ञानिक श्रीमती गुंजन झा, श्रीमती अंजली घृतलहरे, श्री अतुल डांगे, डॉ. मोहनिशा जंघेल, सुश्री सुरभि जैन, प्रक्षेत्र प्रबंधक श्री आशीष गौरव शुक्ला, कार्यक्रम सहायक श्री जितेन्द्र मेश्राम, तोरन लाल निषाद व आन कर्मचारीगण अउर दादूराम सोनकर, श्री पन्नालाल जैन, डॉ. विजय उके, डॉ. पन्नालाल वासनिक प्रगतिशील कृषक, संग जिला के 65 किसान मन ह भाग लीन।