रायपुर म खुलेगा APEDA के क्षेत्रीय कार्यालय
मुख्यमंत्री श्री विष्णु देव साय के उदीम ले कृषि निर्यात ल मिलही नवा प्रोत्साहन, राज्य बनही एक्सपोर्ट हब
रायपुर, कृषि अऊ प्रसंस्कृत खाद्य उत्पाद निर्यात ल प्रोत्साहन देहे के दिशा म छत्तीसगढ़ ल एक बड़का सौगात मिले हे। मुख्यमंत्री श्री विष्णु देव साय के उदीम अऊ उद्योग विभाग के सक्रिय पहल के फलस्वरूप भारत सरकार के वाणिज्य अऊ उद्योग मंत्रालय ह रायपुर म APEDA (Agricultural and Processed Food Products Export Development Authority) के क्षेत्रीय कार्यालय खोले के स्वीकृति देहे हे।
ए क्षेत्रीय कार्यालय के चालू होए ले छत्तीसगढ़ के किसान मन, उत्पादक अऊ निर्यातक मन ल बहुत अकन लाभ एके जगा म उपलब्ध होही। अब ओ मन ल ट्रेनिंग, प्रमाणन, पैकेजिंग, मानकीकरण अऊ निर्यात संबंधी सेवा बर आन राज्य मन के कार्यालय मन के तरफ रुख नइ करना परही।
स्थानीय स्तर म मिलही वैश्विक गुणवत्ता के सुविधा
राज्य म APEDA कार्यालय के स्थापना ले अब फाइटो-सेनेटरी प्रमाणपत्र, गुणवत्ता प्रमाणन, लैब टेस्टिंग, अऊ निर्यात ले जुड़े प्रक्रिया मन इहें पूरा करे जा सकही। एखर से न केवल समय के बचत होही बल्कि किसान अऊ निर्यातक मन के लागत म घलोक कमी आही।
छत्तीसगढ़ के उत्पाद मन ल मिलही ब्रांडिंग अऊ वैश्विक पहिचान
APEDA कार्यालय ले फल, साग, चावल, GI टैग वाले उत्पाद, मिलेट्स अऊ आन कृषि उत्पाद मन के सीधा अंतरराष्ट्रीय बाज़ार म निर्यात आसान होही। एखर से उत्पाद मन ल उचित दाम, व्यापारी मन ल नवा बाज़ार, अऊ राज्य ल वैश्विक मंच म पहिचान मिलही।
किसान मन के आय अऊ ज्ञान दुनों म बढ़ोतरी
निर्यात ले किसान मन ल अपन उपज के बेहतर मूल्य मिलही अऊ उंखर आय म बढ़ोतरी होही। संगेच, नवा तकनीक, गुणवत्ता नियंत्रण, आधुनिक पैकेजिंग अऊ अंतरराष्ट्रीय मार्केटिंग के जानकारी अऊ प्रशिक्षण ओ मन ल स्थानीय स्तर म मिल सकही।
निर्यात बुनियादी ढांचा ल मिलही प्रोत्साहन
APEDA न केवल प्रमाणन अऊ ब्रांड प्रमोशन म सहयोग करथे, बल्कि निर्यात बुनियादी ढांचा के निर्माण अऊ रख-रखाव म घलोक सहायता करथे। एखर से राज्य म फूड प्रोसेसिंग यूनिट्स, कोल्ड स्टोरेज, पैक हाउस जइसे सुविधा मन के विकास होही, जेखर से कृषि व्यापार ल नवा गति मिलही।
विशेष योजना अऊ सब्सिडी के लाभ राज्य ल मिलही
APEDA कोति ले चलाए जात एक्सपोर्ट प्रमोशन, स्किल डेवलपमेंट अऊ सब्सिडी योजना मन के लाभ अब छत्तीसगढ़ के किसान, स्टार्टअप अऊ MSMEs ल सहजता ले मिल सकही।
मुख्यमंत्री श्री साय ह ए ऐतिहासिक पहल म प्रसन्नता व्यक्त करत कहिन के छत्तीसगढ़ के किसान मन अऊ उत्पादक मन ल अब वैश्विक बाजार ले जोड़े के मजबूत माध्यम मिल गए हे। ये कार्यालय नइ केवल कृषि निर्यात ल प्रोत्साहन देही, बल्कि राज्य के आर्थिक समृद्धि के दिशा म घलोक एक निर्णायक कदम सिद्ध होही। ये उपलब्धि छत्तीसगढ़ ल ‘वोकल फॉर लोकल टू ग्लोबल’ के दिशा म एक अग्रणी राज्य बनाही अऊ समृद्ध कृषि उत्पाद मन के निर्यात बर क्षेत्र म नवा अवसर के दुवारी खोलही।
