नारायणपुर: गोठान मन बर पैरा सकेले खातिर बेलर मशीन के उपयोग

नारायणपुर, कृषि अभियांत्रिकी कांकेर के बेलर मशीन ले नारायणपुर जिला के ग्राम देवगाव म किसान मन के खेत मन म हार्वेस्टर मशीन ले धान कटाई के बाद पराली ल पैरा बेल बनाके जिला के गौठान देवगांव, नेलवाड, छिनारी, भाटपाल, रंगाव गराजी नेतानार अऊ एडका म पशु मन के चारा बर भण्डारण गोठान समिति ह करही। बेलर मशीन ले पैरा बंडल बर देवगांव के किसान महेश राम देवांगन, गणेशराम देवांगन, काण्डेराम करंगा, राम कृष्ण मिशन आश्रम नारायणपुर, कृषि प्रक्षेत्र केरलापाल, कृषि विज्ञान केन्द्र केरलापाल ह पैरादान करत हे।
बेलर मशीन ले पैरा बंडल बनाए के प्रदर्शन बीते 28 नवम्बर ले चालू करे गए हे। ये बेरा म कुल 721 बण्डल पैराबेल बनाए गीस। हरेक बंडल के वजन करीबन 20 किलोग्राम हे, मशीन ह सरलग पैरा बंडल बनावत हे। जिला मे करीबन 2000 पैरा बण्डल बेलर मशीन ले तियार करे जाही।
किसान महेश राम देवांगन ह बताइस कि मोर 14 एकड़ खेत म पैरा बंडल बनाए बर पैरा दान करत हंव। कृषि अभियांत्रिकी कांकेर ह निःशुल्क पैरा बंडल बनाए जात हे, जेन ल नजदीक के गौठान ग्राम देवगांव, नेलवाड, छिनारी, भाटपाल, रेमावण्ड के गोठान समिति ह मंगवा के पशु मन के चारा बर भण्डारण करे जाही। एखर पहिली रबी फसल के तैयारी बर पराली ल हमन बार देत रहेन, जेखर से पर्यावरण प्रदुषण होत रहिस अऊ मिट्टी के उर्वरकता शक्ति घलोक कमजोर हो जात रहिस। ये प्रदर्शन जिला प्रशासन अऊ उप संचालक कृषि नारायणपुर के मार्गदर्शन म कृषि अभियांत्रिकी कांकेर कोति ले करे जात हे।