कृषि विभाग म एक बछर के डिप्लोमा बर आवेदन आमंत्रित

बेमेतरा, राष्ट्रीय कृषि विस्तार प्रबंध संस्थान (मैनेज) हैदराबाद (Institute of Agricultural Extension Management, Hyderabad) के माध्यम ले संचालक राज्य कृषि प्रबंधन अउ विस्तार प्रशिक्षण संस्थान (समेती) रायपुर के मार्गदर्शन म एक वर्षीय डिप्लोमा पाठ्यक्रम (देसी) जेमां जिला के इनपुट डीलर मन ल जिंखर पास बी.एस.सी. के डिग्री नइ हे। ‘आदान विक्रेता’ जिंकर लायसेंस साल 2014-15 के पहिली बने हे, अइसन आदान विक्रेता मन के इनपुट डीलर मन के एक वर्षीय डिप्लोमा पाठ्यक्रम डीलर मन के तीसर बैच के संचालन प्रोजेक्ट डायरेक्टर (आत्मा) सह उप संचालक कृषि के माध्यम ले करवाए बर स्वीकृति मिल गए हे। एक वर्षीय डिप्लोमा म 40 शैक्षणिक कक्षा अउ 8 प्रायोगिक कक्षा/ प्रक्षेत्र भ्रमण के आयोजन करे जाही। कक्षा हरेक हफ्ता सनिवार के दिन आयोजित करे जाथे।

पाठ्यक्रम म भाग लेहे बर शैक्षणिक योग्यता 10 उत्तीर्ण अनिवार्य हे। पाठ्यक्रम शुल्क 10000.00 रूपिया ‘आदान विक्रेता’ मन ल लागही एमा 10000.00 रूपिया भारत सरकार कोति ले अनुदान देहे जाही। जिला के बाहिर के आदान विक्रेता घलोक येकर बर आवेदन कर सकत हे। आवेदन के संग पेनकार्ड, आधार कार्ड, लायसेंस, 10 वीं के मार्कशीट अऊ जी.एस.टी. नंबर ये सबो के छायाप्रति आवेदन के संग लगाना अनिवार्य हे। फार्म कार्यालय उप संचालक कृषि, संयुक्त जिला कार्यालय भवन बेमेतरा पहिली तल कमरा नंबर 67 म 15 जनवरी 2020 तक स्वीकार करे जाही।