सूरजपुर, 26 अक्टूबर 2020। कलेक्टर श्री रणबीर शर्मा अऊ जिला पंचायत सीईओ श्री आकाश छिकारा ह अजिरमा स्थित कृषि विज्ञान केंद्र पहुंचके वृहद क्षेत्र म लगाए गए आने-आने किसिम के उत्पादित फसल जइसे धान, लौकी, मिर्च, शकरकंद, भिंडी, केला, सेम , गन्ना जइसे कई किसिम के उत्पादित फसल मन के संग आम अऊ लीची के पौधा अऊ आन फसल के जायजा लीन। कलेक्टर श्री रणवीर शर्मा ह आन-आन किसिम के व्यापक क्षेत्र म फइले फसल मन के जानकारी वरिष्ठ कृषि वैज्ञानिक डॉ. रविंद्र तिग्गा ले लीन। कृषि वैज्ञानिक डॉ. तिग्गा ह कृषि विज्ञान केंद्र म उत्पादित कई किसीम के फसल मन के जानकारी देवत उच्च क्वालिटी के उत्पादित फसल मन के प्रक्रिया अऊ विधि मन के जानकारी दीन।
कलेक्टर श्री शर्मा ह व्यापक क्षेत्र मन म फइले फसल मन के अवलोकन अऊ जायजा लेके बताइन के कम लागत जादा आय प्राप्त करे बर कई किसिम के फसल मन के हाईटेक विधि के परयोग करके किसान मन ल अवगत कराव जेखर से किसान कम लागत म उच्च क्वालिटी के फसल उत्पादित करके जादा ले जादा लाभ अर्जित कर सकयं। उमन कृषि वैज्ञानिक ले जिला के किसान मन ल फूल के खेती बर प्रेरित करे ल कहिन अऊ समय-समय म कई किसिम के फसल उत्पादन करे बर दक्षता ल प्रबंधन बर प्रशिक्षण किसान मन ल प्रदाय करे बर कहिन।
कलेक्टर ह फसल उत्पादन, बगवानी फसल ,मशरूम के खेती, कुक्कुट पालन, मछली पालन, जैविक खेती, केंचुआ खाद उत्पादन इकाई के घलोक अवलोकन करिन। उमन उच्च क्वालिटी के गन्ना के उत्पादन म नवाचार तकनीक के उपयोग करके किसान मन ल घलोक अपन जमीन म लगाय बर प्रेरित करे ल कहिन जेखर से ओ मन ल जादा आमदनी प्राप्त हो सकय। ये दौरान मंत्री प्रतिनिधि कुमार सिंह देव, संयुक्त कलेक्टर श्री शिव कुमार बनर्जी, एसडीएम सूरजपुर श्री पुष्पेंद्र शर्मा, उप संचालक कृषि श्री डीसी कोसले, उद्यानिकी अधिकारी , वरिष्ठ उद्यान वैज्ञानिक डॉ रीतु रानी मिंज, कृषि विज्ञान केंद्र के अधिकारी अऊ ग्रामीण कृषि विस्तार अधिकारी अभिषेक सिंह उपस्थित रहिन।
