रायपुर, 24 फरवरी 2020। राजधानी रायपुर के फल-सब्जी उपमंडी प्रांगण बाराडेरा म आयोजित तीन दिन के राष्ट्रीय कृषि मेला के दूसर दिन कृषि मंत्री श्री रविन्द्र चौबे ह आज प्रदेश के प्रगतिशील किसान मन ल सम्मानित करिन। कृषि, मत्स्यपालन, उद्यानिकी फसल मन के उत्पादन म उल्लेखनीय काम करइया किसान मन ल अनुदान राशि के चेक अऊ प्रशस्ति पत्र अऊ शॉल भेंट करके सम्मानित करे गीस।
ये बेरा म प्रमुख सचिव कृषि अऊ कृषि उत्पादन आयुक्त डॉ. मनिन्दर कौर द्विवेदी, कृषि सचिव श्री धनंजय देवांगन, कृषि विश्वविद्यालय के कुलपति डॉ. एस.के. पाटिल, कामधेनु विश्वविद्यालय के कुलपति डॉ. नारायण दक्षिणकर अउर कई ठन विभाग मन के अधिकारी अऊ कृषक अड़बड़ झन म उपस्थित रहिन।