रायपुर, 22 फरवरी 2020। कृषि मंत्री श्री रविन्द्र चौबे ह आज संझा राजधानी रायपुर के तुलसी बाराडेरा पहुंचके उहां 23 ले 25 फरवरी तक आयोजित होव इया तीन दिवसीय राष्ट्रीय कृषि मेला के तैयारी मन के जायजा लेहे अऊ अधिकारी मन ल सबो जरूरी व्यवस्था बेरा म म पूरा करे के हुकुम दीन। उमन मेला स्थल म कृषि, उद्यानिकी, पशुपालन, मछलीपालन अऊ ग्रामोद्योग विभाग कोति ले लगाए जात स्टाल मन के जांच करिन। उमन मेला म लगइया विभागीय स्टाल मन म किसान मन ल कृषि अऊ उंखर से जुड़े गतिविधि अउ उन्नत तकनीक मन के जानकारी मिलही, ये ठउका करे के हुकुम दीन।
ये बेरा म कृषि उत्पादन आयुक्त अउ प्रमुख सचिव कृषि डॉ. मनिन्दर कौर द्विवेदी, कृषि विभाग के सचिव श्री धनंजय देवांगन, संचालक पशु चिकित्सा श्री से. आर. प्रसन्ना, मंडी बोर्ड के प्रबंध संचालक श्री अभिनव अग्रवाल संग आन अधिकारी उपस्थित रहिन। राष्ट्रीय कृषि मेला 2020 के शुभांरम्भ मुख्यमंत्री श्री भूपेश बघेल कोति ले 23 फरवरी ल मंझन 4 बजे करे जाही।
