लोकसभाध्यक्ष श्री ओम बिड़ला अउ मुख्यमंत्री श्री विष्णु देव साय ह करिन अग्रोहाधाम के लोकार्पण

रायपुर 27 दिसंबर 2023। लोकसभाध्यक्ष श्री ओम बिड़ला के मुख्य आतिथ्य अउर मुख्यमंत्री श्री विष्णु देव साय के अध्यक्षता म आज महाराज चक्रधर के नगरी रायगढ़ म अग्रोहाधाम के लोकार्पण करे गीस। अग्रवाल समाज कोति ले निर्मित ये भवन ल 6.40 एकड़ क्षेत्र म बनाय गए हे। अग्रोहाधाम सर्व समाज बर सामाजिक कार्य बर उपलब्‍ध रहिही। ये भवन के संचालन अग्रोहाधाम चेरिटेबल ट्रस्ट कोति ले होही। ये भवन मध्य भारत के सबसे विशाल सर्व सुविधा सहित सामाजिक भवन जिंदल रोड रायगढ म वृंदावन कालोनी के सामने स्थित हे। ये बेरा म मंत्री श्री बृजमोहन अग्रवाल, श्री ओ पी चौधरी, विधानसभा के पहिली अध्यक्ष श्री गौरीशंकर अग्रवाल, पूर्व मंत्री अउर विधायक श्री अमर अग्रवाल, पूर्व सांसद श्री नवीन जिंदल, विधायक राजेश अग्रवाल, विधायक श्री संपत अग्रवाल, पूर्व मंत्री श्री कृष्ण कुमार गुप्ता अउर अग्रवाल समाज के राष्ट्रीय अध्यक्ष श्री गोपाल शरण गर्ग के संग अग्रवाल समाज के गणमान्य मनखे संग जनप्रतिनिधि अऊ गणमान्य नागरिक उपस्थित रहिन