अहिवारा विधानसभा पूरा होइस सेनेटाईज: मंत्री गुरू रूद्रकुमार सेनेटाइजेशन काम म मंत्री ह घलोक दीस अपन सहभागिता

सबो 72 गांव मन म सोडियम हाईड्रोक्लोराइड अऊ ब्लीचिंग पाउडर के करे गीस छिड़काव

रायपुर, 05 मई 2020। लोक स्वास्थ्य यांत्रिकी अउ ग्रामोद्योग मंत्री अऊ अहिवारा विधानसभा क्षेत्र के विधायक गुरू रूद्रकुमार ह अपन विधानसभा क्षेत्र के सबो गांव मन म सोडियम हाईड्रोक्लोराइड लिक्विड अउ ब्लीचिंग पाउडर के छिड़काव करवा के पूरा सेनेटाइज करे हे। जानबा हे के मंत्री गुरू रूद्रकुमार ह घलोक ग्राम नंदकट्ठी म सेनेटाइजेशन काम म अपन सहभागिता देहे हें। एखर अकतहा अहिवारा के ग्राम भेड़सर, अंजोरा, दांडेसरा, चिखली, करंजा भिलाई, मुरमुन्दा, ढाबा, कन्डरका अऊ रवेलीडीह संग सबो 72 गांव मन ल सेनेटाइज करे के काम करे गए हे।