– लोक स्वास्थ्य यांत्रिकी मंत्री श्री गुरू रूद्र कुमार हा लोकार्पण करिस, 58 लाख रुपए के लागत ले बने हे भवन
दुर्ग 27 जून 2020/अहिवारा में पीएचई मंत्री श्री गुरु रूद्र कुमार हा तहसील कार्यालय के भवन के लोकार्पण करिस। एखर ले पहली भवन बीएसपी के किराया के मकान में संचालित होत रिहिस । नया भवन में तहसील आफिस के जरूरत के मुताबिक सबो तरह के सुविधा मौजूद हे । ये मौका में कलेक्टर डाॅ. सर्वेश्वर नरेंद्र भूरे अउ दूसर अधिकारी अउ जनप्रतिनिधि मन मौजूद रिहिस । ये मौका में मंत्री हा पूरा कैंपस देखीस अउ पौधरोपण घलो करिस। ओहा जनप्रतिनिधि मन अउ तहसील के अधिकारि मन से चर्चा में कहिस कि अहिवारा क्षेत्र के लोगन मन ला कोनो तरह के दिक्कत मत होये, एखर बर तहसील भवन बनाये गेहे । बेहतर सुविधा वाले भवन में नागरिक सुविधा भी अच्छी होथे । स्टाफ बार घलो जगह भरपूर होथे एखर से कार्य तेजी से करे में मदद मिलथे । मंत्री हा ये मौका में भवन के सबो ककछा के निरीक्षण करिस । इहा तहसीलदार कोर्ट, रिकार्ड रूम, नाजिर रूम, मालखाना एवं आफिस के अउ दूसर कमरा मन के लिए पर्याप्त व्यवस्था हे ।
मंत्री कहिस कि तहसील आफिस अइसे जगह होथे जिहा लोगन मन काफी आना-जाना होते रथे कभी-कभार इंतजार भी करना पड़थे। अइसे में आगंतुक कक्ष उपलब्ध कराये से लोगन मन ला काफी राहत मिलेथे। मंत्री हा कहिस कि राजस्व मामला में लोगन मन के समस्या तेजी से निराकृत हो, एखर बर शासन हा अनेक कदम उठाये हे । इसने लंबित मामला के तीव्रता से निराकरण के संभावना बड़े हे । जाति प्रमाणपत्र, आयप्रमाणपत्र बनाये के प्रक्रिया में किरे गे सरलीकरण से लोगन मन ला काफी राहत मिलीस । एखर वजह से लोगन मन ला बड़े दिक्कत के सामना करे ला पड़थे। राजस्व मामला में प्रक्रिया सरल होथे तो बड़े आबादी ला लाभ होथे । जनप्रतिनिधि मन से चर्चा करत बताइस कि नया कार्यालय भवन से लोगन मन के दिक्कत दूर होही। काफी लंबा समय तक तहसील कार्यालय के संचालन पुराना बिल्डिंग में होते रिथे। नया बिल्डिंग में सुविधा घलो बेहतर होथे अउ काम के अच्छा माहौल भी बनथे ता ये रेवेन्यू स्टाफ बर घलो काफी अच्छा हे । बुनियाद सुविधा सबला उपलब्ध कराये के दिशा में बड़े काम होथे । शुद्ध पेयजल उपलब्ध कराये के दिशा में बड़े काम होथे। ये मौका बर कलेक्टर डाक्टर सर्वेश्वर नरेंद्र भूरे घलो उपस्थित रिहिस । ओहा कहिस कि नया बिल्डिंग में शिफ्ट होये से अब बेहतर तरीका से कार्य हो पाइस ओहा तहसील कार्यालय में उपलब्ध अधोसंरचना भी देखिस।
अंजोरा, दुर्ग ले सोनू कुमार