छत्तीसगढ़ के सबले बड़े अउ ऐतहासिक महाकन्या भोज

दुर्ग के श्री सत्तीचौरा माँ दुर्गा मंदिर समिति कोति ले काली  महाकन्या भोज के आयोजन करे गीस जेमां करीबन 3000 ले जादा छोटे-छोटे मातृस्वरूप कन्या सकलाय रहिन

दुर्ग, छत्तीसगढ़ के धार्मिक नगरी दुर्ग म क्वांर नवरात्र म पाछू पांच बछर ले महाकन्या भोज के आयोजन करे जात हे जेमां सरलग बढ़त क्रम म मातृस्वरूप कन्या भोज म आवत हें, पाछू साल करीबन 2300 कन्या मन ल कन्या भोज कराए गए रहिस। ये साल ये संख्या करीबन 3000 हो गीस जउन ह आज तक के रिकार्ड म छत्तीसगढ़ के सबले बड़का अउ ऐतहासिक महाकन्या भोज रहिस।

ये कन्याभोज के आयोजन म राजकुमार वर्मा, कन्या ढीमर, शकुन ढीमर, ऋषभ जैन, आशीष दुबे, कुलेश्वर साहू, शिव नायक, दिनेश साहू, श्रद्धा सोनी, ढीमर पारा महिला मंडल, मनोज श्रीवास्तव, अउ कई ठन सामाजिक, धार्मिक अउ राजनीतिक ले जुड़े मनखे मनखे मन ह अपन अपन वार्ड अउ क्षेत्र ले करीबन 300 – 300 नोनी मन के संग बाजा-गाजा के टोली लेके कन्याभोज म सामिल होइन।