रायपुर, 12 फरवरी 2021। मुख्यमंत्री श्री भूपेश बघेल ह काली इहां अपन निवास कार्यालय ले अजमेर स्थित हजरत ख्वाजा मोईनुद्दीन चिश्ती के दरगाह शरीफ बर छत्तीसगढ़ राज्य कोति ले चादर भेजिन। ये बेरा म छत्तीसगढ़ राज्य म अमन-चैन, समृद्धि, खुशहाली अऊ आपसी भाईचारा बर दुआ मांगे गीस। मुख्यमंत्री कोति ले भेजे गए ये चादर सालाना उर्स के मौका म ख्वाजा मोईनुद्दीन चिश्ती गरीब नवाज दरगाह म पेश करे जाही। ये बेरा म एल्डरमेन श्री अफरोज अंजुम, सर्वश्री फहीम खान, नईम रजा, अयाज अली, इरफान सुल्तान, रहमत भाई, गुल्लु भाई अउर मुस्लिम समाज के गणमान्य मनखे उपस्थित रहिन।
मुख्यमंत्री श्री भूपेश बघेल ह अजमेर शरीफ बर चादर भेजिन
