एकलव्य आवासीय विद्यालय म प्रवेश बर 363 पढ़ईया लईका मन ह देवाईन परीक्षा

धमतरी, 17 जुलाई 2021। एकलव्य आदर्श आवासीय विद्यालय पथर्रीडीह (विकासखण्ड-नगरी) म शिक्षा सत्र 2021-22 म प्रवेश बर जिला के 363 पढ़ईया लईका मन ह लिखित परीक्षा देवाए हें। सहायक आयुक्त आदिवासी विकास ह बताइस कि ये परीक्षा बर कुल 389 आवेदन पत्र प्राप्त होए रहिस, जेमे ले 363 परीक्षार्थी मन परीक्षा म सामिल होइन, जबकि बांचे 26 विद्यार्थी अनुपस्थित रहिन। उमन बताइन कि एखर बर धमतरी म दू परीक्षा केन्द्र मेनोनाइट उच्चतर माध्यमिक विद्यालय रत्नाबांधा अऊ सर्वोदय उच्चतर माध्यमिक विद्यालय हटकेशर स्थापित करे गए रहिस। सहायक आयुक्त ह ये घलोक बताइस कि उत्तर पुस्तिका मन के मूल्यांकन के बाद परीक्षा परिणाम घोषित करे करे के बाद मेरिट सूची के आधार म 30 बालक अऊ 30 बालिका मन ल कक्षा छठवीं म प्रवेश दे जाही।