- धान ल भींजे ले बचाय बर भरपूर ताल पतरी के व्यवस्था
- अब तक 13.93 लाख मीट्रिक टन धान खरीदी
रायपुर, प्रदेश के कुछ हिस्सा मन म उदुपहा झिरसा बूंदा-बांदी के सेती जऊन किसान आज धान नइ बेच पाहीं उंखर धान अगले दिन खरीदे के व्यवस्था करे गए हे। प्रदेश के धान बिसई ठीहा मन म बिसाये गए धान ल भींजे ले बचाय बर भरपूर ताल पतरी के व्यवस्था करे गए हे। खाद्य विभाग के सचिव डॉ. कमलप्रीत सिंह ह बताइस कि राज्य म अब तक 13.93 लाख मीट्रिक टन धान के खरीदी होए हे। धान खरीदी के संगे-संग पंजीकृत मिलर मन ले धान के उठाव करे जात हे अऊ नान म चावल घलोक जमा करे जात हे। उमन बताइस कि शासन से पंजीकृत किसान मन के धान निरधारित पात्रता मुताबिक खरीदी के समुचित व्यवस्था करे गए हे। किसान मन अपन धान बिसई ठीहा मन म लाके बेंचत हे।
