रइपुर 12 अगस्त 2021 बिरस्पत। वन अउ जलवायु परिवर्तन, आवास अउ पर्यावरण मंत्री अउ विधायक श्री मोहम्मद अकबर ह आज राजधानी के शंकरनगर के अपन घरू कार्यालय ले वीडियो कॉन्फ्रेंसिंग ले 41 ठन ग्राम पंचायत मन के सरपंच मन ले जुड़के विकास कार्य के संबंध म चर्चा करीन। मंत्री श्री अकबर ह वीडियो कॉन्फ्रेंसिंग के माध्यम ले 41 ग्राम पंचायत मन के काम-बूता के समीक्षा करीन। चर्चा के बेरा कबीरधाम जिला के बोड़ला जनपद पंचायत के 41 ग्राम पंचायत मन के सरपंच अउ सचिव संघरीन।
वन मंत्री श्री मोहम्मद अकबर ह ग्राम पंचायत के सरपंच अउ सचिव ले एक-एक करके चर्चा करीन अउ ग्रामीण विकास के संग संग उहां संचालित विकास कार्य मन के बारे में जानकारी लीन। मंत्री श्री अकबर ह जम्मो सरपंच मप ल अपन—अपन ग्राम पंचायत म योजना मन के बने क्रियान्वयन करके ग्रामीण मन ल अधिक ले अधिक लाभ देवाए बर कहीन।
वन मंत्री श्री अकबर ह वीडियो कॉन्फ्रेंसिंग म आज जनपद पंचायत बोड़ला के अंतर्गत चिल्फी, राजाढार, बेंदा, लूप, सिवनीकला, बहनाखोदरा, शीतलपानी, झलमला, दरिया, समनापुर, बरबसपुर, तितरी, रोल, जामुनपानी, मुड़वाही, बम्हनी, रेंगाखारकला, सिवनीखुर्द, बरेण्डा, सरईपतेरा, भेलवाटोला, लोहारीडीह, उसरवाही, पण्डरिया, नेवासपुर, खारा, खम्हरिया, बोदा-47, कोयलारझोरी, घानीखुंटा, पण्डरीपानी, मिनमिनया जंगल, नवागांव, कटंगीकला, कांपा, लालपुरकला, सिंघनपुरी, बांधा, कटगो, छपरी अउ चौरा ग्राम पंचायत के काम-बूता के समीक्षा करीन।
वन मंत्री श्री अकबर ह वीडियो कॉन्फ्रेंसिंग ले 41 ग्राम पंचायत मन के काम-बूता के समीक्षा करीन
