अखिल भारतीय कवि सम्मलेन होइस मुंगेली म

  • राहत इंदौरी अउ छत्तीसगढ़िया कवि सुरेंद्र दुबे मुंगेली म छा गिन…

मुंगेली के आगर खेल क्लब मैदान म 24 फ़रवरी के रथिया अखिल भारतीय कवि सम्मेलन के आयोजन होइस। कार्यक्रम म मुख्य अतिथि सांसद,कांग्रेस पार्टी के नेता, मुंगेली के जनप्रतिनिधि अउ नई दुनिया पत्र समूह के अधिकारी कर्मचारी मन उपस्थित रहिन्। कवि सम्मेलन के संचालन डॉ सुरेंद्र दुबे पद्मश्री जी ह करिन। ओमन के गुरतुर छत्तीसगढ़िया बोली म कविता ह मुंगेली के मनखे मन ल भा गिस।जोरदार हँसी मजाक के दौर चलीस।
अध्यक्षता अंतराष्ट्रीय कवि सायर राहत इंदौरी साहब ह करिन अउ अपन सायरी के बानगी ल प्रस्तुत करिन। जेमा सबले मजा ” बुलाती है मगर ….जाने का नई” मं आइस। लखनऊ ले आय जवान नवा कवि विख्यात मिश्रा ह देशभक्ति अउ जोश ले ओतप्रोत करिस, दिल्ली ल आय राधिका मित्तल मेडम ह श्रृंगाररस के कविता पढ़के सभा म दर्शक दीर्घा ल प्यार मोहब्बत बर प्रेरित करिस। डॉ सुरेश अवस्थी राष्ट्रीय कवि घलो ये सम्मलेन म आय रहिन लेकिन मौसम खराब होय ले कविता नई पढ़ पईन। अचानक बारिस होय ले देर रात आगर खेल परिसर के आयोजन ल बंद करना पड़िस।

मुंगेली ले गुरतुर गोठ बर दिलीप बसंत

लउछरहा..