ऑल इंडिया सैनी माली सभा ह छत्तीसगढ़ प्रदेश सचिव के पद म अधिवक्ता श्री नंदकुमार ल करिस नियुक्त

रायपुर, 26 जून 2020। ऑल इंडिया सैनी माली सभा के प्रदेश अध्यक्ष श्री मनोज सैनी अउ प्रभारी श्री बाल गोविन्द माली के अनुसंशा म राष्ट्रीय अध्यक्ष श्री जगदीश सैनी ह अधिवक्ता श्री नंदकुमार पटेल ल प्रदेश सचिव नियुक्त करे हे. राष्ट्रीय अध्यक्ष श्री जगदीश सैनी ह बधाई देवत हुए कहिन कि नंदकुमार पटेल ल सामाजिक सक्रियता एकता ल आगु बढ़ाये के उदेश्य ले प्रदेश सचिव नियुक्ति करे गे हे. नन्दकुमार पटेल वरिष्ठ अधिवक्ता होय के संगे-संग सामाजिक पदाधिकारी , कांग्रेस पार्टी म विधि प्रकोष्ठ म प्रदेश सचिव अउ दिल्ली महात्मा फुले फाउंडेशन म छत्तीसगढ़ के संयोजक के पद म घलो पदस्थ हे. अधिवक्ता श्री नंदकुमार पटेल ल ऑल इंडिया सैनी माली सभा के छत्तीसगढ़ प्रदेश सचिव बनाये जाये म छत्तीसगढ़ विधि कांग्रेस के पदाधिकारीगण अउ साथी अधिवक्ता मन म मोहन निषाद, विजय राठौड़, अरमान खान, सुरेश साहू रामेश्वर पटेल, बिन्दुराम पटेल, टी.आर. पटेल, विमल पटेल, कुंदन पटेल, रिखीराम पटेल, भगत पटेल, हेमलाल पटेल, हरीश कुमार पटेल, यशवंत कुमार अउ शंकर दयाल पटेल अउ मरार पटेल समाज के पदाधिकारी मन सहित समाज वरिष्ठ जन ह बधाई अउ उज्ज्वल भविष्य के कामना करे हे.