सबो पंजीयन कार्यालय 23, 24 अऊ 25 मार्च के रइही बंद

रायपुर, 21 मार्च 2020। छत्तीसगढ़ राज्य के भीतर नोवेल कोरोना वायरस (कोविड-19) के संक्रमण के रोकथाम बर राज्य सरकार कोति ले बहुत अकन उपाय करे जात हे। इही कड़ी म मनखे मन ल भीड़-भाड़ ले बचाय बर अवइया 23 मार्च ले 25 मार्च तक राज्य के सबो पंजीयन कार्यालय मन ल बंद रखे के हुकुम देहे गए हे। हम आप ल बता देवन के पंजीयन कार्यालय मन म रोजेच कागद मन के पंजीयन बर सैकड़ों के संख्या म आवेदक अउ पक्षकार उपस्थित होथें। अइसन स्थिती म कोरोना वायरस के संक्रमण के संभावना बाढ़ जाथे। ए खातिर कोनो प्रकार के संक्रमण के रोकथाम बर एहतियात के तौर म अवइया 23 मार्च ले 25 मार्च तक राज्य के सबो पंजीयन कार्यालय ल बंद रखे जाही। सचिव वाणिज्यिक कर (पंजीयन) कोति ले ये संबंध म सबो जिला कलेक्टर मन ल अऊ सबो जिला पंजीयक मन ल चिट्ठी जारी करके समुचित व्यवस्था ठउका करे के हुकुम दिए हें।