रायपुर, 27 मई 2020। प्रदेश के राजस्व, आपदा प्रबंधन अउ वाणिज्यिक कर (पंजीयन) मंत्री श्री जयसिंह अग्रवाल ह सरगुजा सम्भाग के राजस्व अधिकारी मन के बैठक वीडियों कॉन्फ्रेसिंग के संग लीन। उमन राजस्व अधिकारी मन ल सबो राजस्व प्रकरण मन के ई-कोर्ट म अनिवार्य रूप से पंजीयन करे के हुकुम दीन। बैठक म राजस्व विभाग के सचिव सुश्री रीता शांडिल्य आयुक्त, भूअभिलेख, सरगुजा संभागायुक्त संग सरगुजा, सूरजपुर, जशपुर, बलरामपुर अऊ कोरिया जिला के कलेक्टर सामिल होइन।
राजस्व मंत्री ह अधिकारी मन ल राजस्व प्रकरण मन म मुआवजा, बटांकन, सीमांकन, भूअभिलेख मन के अद्यतीकरण, ऑनलाईन पंजीयन, ई-कोर्ट के क्रियान्वयन, नगरीय क्षेत्र मन मे जमीन बंटन, तहसील स्तर म माडर्न रिकार्ड रूम, विवादित अऊ अविवादित नामांतरण, बटवारा संग आन राजस्व प्रकरण मन के निराकरण के समीक्षा करिन। श्री अग्रवाल ह लोक सेवा गारंटी अधिनियम के तहत् दर्ज प्रकरण मन के निरधारित समय सीमा म कार्यवाही पूरा करे के हुकुम अधिकारी मन ल देहे हें। राजस्व मंत्री ह ओलावृष्टि अऊ बेमौसम बारीश ले क्षति अउ प्रभावित मन ल सहायता के संबंध म करे गए कार्यवाही के घलोक समीक्षा करिन। उमन खरीफ अउ रबी फसल मन के गिरदावरी काम ल निरधारित समय सीमा म पूरा कराए बर जरूरी कार्यवाही करे के हुकुम राजस्व अधिकारी मन ल देहे हें। भू-अभिलेख मन म भू-स्वामी मन के डिजिटल हस्ताक्षर ले सत्यापित कराए के हुकुम देहे हें, अइसनहे पंजीयन कार्यालय ले मिले सूचना के आधार म नामान्तरण पंजी म नामान्तरण दर्ज कर के कार्यवाही समय सीमा म पूरा करे के हुकुम तको देहे हें। अविवादित नामान्तरण प्रकरण मन म पंजीयन कार्यालय ले मिले सूचना के तारीक ले 45 दिन के भीतर अभिलेख दुरुस्त करे जाए, जेखर से किसान मन ल रिकार्ड दुरूस्ती बर अनावश्यक रूप ले भटकना झन परय। उमन कहिन के राजस्व प्रकरण मन के निराकरण करे म कोनो समस्या आवत हे त राजस्व सचिव के मार्गदर्शन अउ दिशा-निर्देश के मुताबिक शीघ्रता ले निपटावव।
