सौर ऊर्जा ले पानी, बिजली अऊ खेती म आवत हे सकारात्मक बदलाव

ग्रामीण क्षेत्र मन म सौर संयंत्र मन ले होवत हे सर्वांगीण विकास
सौर समाधान एप के माध्यम ले मिले सूचना म तुरंते कार्यवाही
सरगुजा, मुख्यमंत्री श्री विष्णुदेव साय के सुशासन के परिणाम स्वरूप सरगुजा जिला के सुदूर अंचल संग जम्‍मो राज्य म सौर ऊर्जा आधारित योजना मन के क्रियान्वयन तेजी ले होवत हे। छत्तीसगढ़ राज्य अक्षय ऊर्जा विकास अभिकरण (क्रेडा) कोति ले जल जीवन मिशन के तहत् पीए के पानी पहुंचाए खातिर, खेत मन के फसल मन म सिंचाई सुविधा अऊ रात म बिजली पहुंचाए खातिर सुदूर ईलाका तक के दिशा म उल्लेखनीय काम होए हे, जेखर से गांव वाले मन के जीवन म सकारात्मक बदलाव आए हे।
सरगुजा जिला के डांडगांव म 13 सोलर ड्यूल पंप स्थापित करके गांव वाले मन ल पेयजल के सुविधा देहे गए हे। जेखर से गांव वाले मन के घर म ही स्वच्छ पेयजल मिलत हे। उहें गांव म 4 सोलर हाई मास्ट लाइट स्थापित करके रात्रिकालीन प्रकाश व्यवस्था ठउका करे गए हे। क्रेडा कोति ले राज्य के मैदानी अऊ अंदरूनी इलाका मन म सोलर ड्यूल पंप, सोलर हाईमास्ट अऊ सोलर सिंचाई पंप मन के स्थापना करके गांव वाले मन के मूलभूत जरूरत मन के पूर्ति करे जात हे। संयंत्र मन के अकार्यशीलता के सूचना मिले म ‘सौर समाधान एप’ के माध्यम ले तुरंते कार्यवाही करके संयंत्र मन ल फेर क्रियाशील बनाय जात हे।
क्रेडा के अध्यक्ष श्री भूपेन्द्र सवन्नी अऊ मुख्य कार्यपालन अधिकारी श्री राजेश सिंह राणा ह परियोजना मन के सतत निगरानी करके गुणवत्ता पूर्ण काम ठउका करवावत हें। सीईओ ह विभागीय अधिकारी मन ल निर्देशित करे हे के क्रेडा केवल संयंत्र स्थापित करइया संस्था नो हे बल्कि सेवा के निरंतरता अऊ जनविश्वास के संरक्षक संस्था हे।
अब तक सरगुजा संभाग म लगभग 8 हजार 848 सोलर सिंचाई पंप मन के स्थापना पूरा होवइया हे। संगे जल जीवन मिशन के अंतर्गत 4 हजार 094 ले जादा सोलर पेयजल पंप स्थापित होए हे। ए योजना ले नइ सिरिफ गांव वाले मन ल राहत मिलत हे, बल्कि आत्मनिर्भरता स्वच्छ पेयजल के सुविधा घलोक सुलभ होए हे।