- 9 हजार ले जादा स्वच्छता दीदी मन अइसन परिस्थिति म घलोक रोजेच घर-घर ले उठावत हें 16 लाख किलो कचरा
- 15 हजार ले जादा सफाई मित्र भोर के संगेच आप मन के तीर-तखार के क्षेत्र ल साफ करे अउ डिसिंफेक्ट करे बर सरलग काम करत हें
- मुख्यमंत्री श्री भूपेश बघेल के आह्वान म दू ले तीन पारी म बिना रुके करत हें जनता के सेवा
- टोल फ्री नम्बर निदान-1100 म दू दिन म 20 हजार ले जादा शिकायत के जल्दी होइस निकारण
रायपुर, 24 मार्च 2020। कोरोना वायरस (कोविड-19) के संक्रमण ले आज पूरा विश्व जूझत हे। ये वैश्विक महामारी म जिहां चिकित्सक मन अउ स्वास्थ्य विभाग के अमला 24 गुना 7 जूझत हे उहें दुसर तरफ संकट के ये घड़ी म छत्तीसगढ़ के जनता के सेवा म एक अदृश्य फौज घलोक काम करत हे। हौ जी, ये अदृश्य फौज हे आप के नगरीय निकाय के वो सफाई मित्र, स्वच्छता दीदी, कर्मचारी मन अउ अधिकारी मन जऊन दिन-रात, आप के शहर, आप के कस्बा, आप के मोहल्ले ल साफ करे, डिसिन्फेक्ट करे अउ आप ल निर्बाध रूप ले स्वच्छ पेयजल प्रदान करे म लगे हें।
प्रदेश म 9 हजार ले जादा स्वच्छता दीदी, अइसन परिस्थितियों म घलोक रोजेच, प्रदेश के घर-घर ले 16 लाख किलो कचरा उठावत हें। 15 हजार ले जादा सफाई मित्र बिहंचेच ले गली ल साफ करे अउ डिसिंफेक्ट करे बर सरलग काम करत हे। ये योद्धा मन न केवल अपन कर्तव्य ल रोजेच निभावत हे, भलुक प्रदेश के मुख्यमंत्री श्री भूपेश बघेल के आह्वान म दू ले तीन पारी मन म बिना रुके जनता के सेवा म जुटे हें।
