रायपुर, छत्तीसगढ़ म पहली पईत आयोजित होवत राष्ट्रीय आदिवासी नृत्य महोत्सव बर मुख्यमंत्री श्री भूपेश बघेल कोति ले भेजे गए नेवता ल संस्कृति मंत्री श्री अमरजीत भगत ह सोमवार के सिक्किम के मुख्यमंत्री श्री प्रेम सिंह तमांग ल दीन। श्री भगत ह मुख्यमंत्री श्री तमांग ले मुलाकात करके ओ मन ल 27 दिसम्बर ले होवइया राष्ट्रीय आदिवासी नृत्य महोत्सव म छत्तीसगढ़ आए के अनुरोध करिन। श्री भगत ह मुख्यमंत्री श्री तमांग ले सिक्किम के लोक कलाकार मन ल नृत्य महोत्सव म सामिल होए बर छत्तीसगढ़ भेजे के आग्रह करिन।
मुलाकात के समय श्री भगत ह छत्तीसगढ़ के संस्कृति अऊ परम्परा मन के जानकारी दीन अऊ कहिन कि राष्ट्रीय आदिवासी नृत्य महोत्सव ले एक दूसर के संस्कृति अऊ परम्परा मन ल जाने के अवसर मिलही। श्री भगत ह मुख्यमंत्री श्री तमांग ल छत्तीसगढ़ सरकार के योजना मन के बारे म घलोक बताइन।
