रायपुर, संस्कृति मंत्री श्री अमरजीत भगत के आज राजस्थान राज्य के जयपुर पहुंचे म उहां के आदिवासी बीमा कर्मी विचार मंच के प्रतिनिधि मंडल ह सर्किट हाउस म राजस्थानी आदिवासी संस्कृति के चिनहा साफा पहिराके आत्मीय स्वागत करिन।
ये मौका म प्रतिनिधिमंडल ह श्री भगत ल राजस्थान के आदिवासी संस्कृति अऊ अपन मंच के गतिविधि मन के बारे म अवगत कराइन। प्रतिनिधि मंडल ह आदिवासी बीमा कर्मी विचार मंच के सदस्य मन के छत्तीसगढ़ म पहली पइत आयोजित राष्ट्रीय आदिवासी नृत्य महोत्सव रायपुर म भाग लेहे के बारे म घलोक बताइन। मंच समन्वयक श्री अशोक मीणा ह श्री भगत ल बताइस कि राजस्थान के आदिवासी बीमा कर्मचारी विचार मंच के सौजन्य ले आदिवासी मन के लोक संस्कृति अऊ ऊंखर स्वतंत्रता संग्राम म योगदान के बारे म सेमिनार अउ बिरसा मुंडा जयंती म एक भव्य आयोजन हाले म करे गीस। श्री भगत ह सबो सदस्य मन के सहृदय आभार व्यक्त करिन अऊ ये मंच के कोनो आयोजन म आमंत्रित करे जाय म फेर राजस्थान आए के बात कहिन। आदिवासी बीमा कर्मचारी विचार मंच राजस्थान के प्रतिनिधिमंडल म समन्वयक श्री अशोक मीणा, सह समन्वयक सर्व श्री रामदयाल मीणा, किशन मीणा, प्रियंका मीणा, राजेश मीणा संग आन सदस्य सामिल रहिन।
