रायपुर, 5 अक्टूबर 2020। खाद्य मंत्री श्री अमरजीत भगत ह आज अम्बिकापुर म काफिला रोकके सड़क दुर्घटना म घायल मोटरसाइकिल सवार अऊ ओखर संग बइठे लइका के मदद करिन। मंत्री श्री अमरजीत भगत अपन निवास ले दरिमा एयरपोर्ट के निरीक्षण बर जात रहिन। ये दौरान रायगढ़ रोड म एक मोटरसाइकिल के एक्सीडेंट होय देखके काफिला रोकवाइन अऊ अपन काफिला के एक गाड़ी ले घायल मनखे अऊ लइका ल अस्पताल पहुंचाए के प्रबंध करिन। मंत्री श्री अमरजीत भगत ह एखर पहिली घलोक अपन काफिला रुकवा के जरूरतमंद मनखे मन के मदद करे हें। ओ मन ल आत जात समय जब कोनो जरूरतमंद दिखथें तेखर सहायता जरूर करथें।
छत्तीसगढ़ के संवेदनशील मंत्री ह के काफिला रोकके घायल मनखे के करिन मदद
