रायपुर, 8 फरवरी 2021। खाद्य, नागरिक आपूर्ति अउ उपभोक्ता संरक्षण मंत्री श्री अमरजीत भगत ह अम्बिकापुर स्थित शासकीय जिला ग्रंथालय म रविवार के छत्तीसगढ़ माध्यमिक शिक्षा मंड़ल द्वारा आयोजित कक्षा 10वीं अउ 12वीं के परीक्षा म प्रावीण्य सूची म स्थान प्राप्त करइया सरगुजा संभाग के विद्यार्थी मन ल लैपटॉप, टेबलेट अउ प्रशस्ति पत्र प्रदान करके प्रोत्सहित करिन। मंत्री श्री भगत ह कहिन कि मेहनत अउ लगन ल करे गए कार्य हमेशा सफलता दिलाथे। मेहनती बच्चा आगु बढ़त हुए मुकाम हासिल कर लेथे। ओमन बोर्ड परीक्षा म उत्कृष्ट प्रदर्शन करइय विद्यार्थी मन ल बधाई देवत हुए खूब मन लगाके पढ़े बर कहिन।
ये अवसर म छत्तीसगढ़ माध्यमिक शिक्षा मंडल द्वारा आयोजित कक्षा 10वीं के विद्यार्थी मन ल टेबलेट अउ कक्षा 12वीं के विद्यार्थी मन ल लैपटाप के संग ही सबों 6 विद्यार्थी मन ल प्रशस्ति पत्र प्रदान करे गीस। एमा सीतापुर के कक्षा 12वी के छात्रा कुमारी परीक्षा गुप्ता ल लैपटॉप, कक्षा 10वीं के प्रावीण्य सूची म स्थान प्राप्त करइया सूरजपुर के छात्र-छात्रा आशादीप इकबाल, कुलदीप सिंह, कुमारी उमेश्री राजवाड़े, कोरिया के सुष्मिता पाल अउ बलरामपुर के प्रशांत तिवारी ल टेबलेट अउ प्रावीण्य सूची म शामिल ये सबो विद्यार्थी मन ल प्रशस्ति पत्र घलो प्रदान करे गीस।
कार्यक्रम म 50 बछर ले जादा उम्र के 4 वरिष्ठ अधिवक्ता मन ल शाल, श्रीफल अउ स्मृति चिन्ह देके सम्मानित करे गीस। ये अवसर म छत्तीसगढ़ खाद्य आयोग के अध्यक्ष श्री गुरप्रीत बाबरा, जिला शिक्षा अधिकारी श्री आईपी गुप्ता, सर्व शिक्षा अभियान के जिला समन्वयक डॉ. संजय सिंह, ग्रंथपाल श्री मुकेश कुमार दुबे सहित अन्य जनप्रतिनिधि अधिकारी अउ छात्र उपस्थित रहिन।