अम्बिकापुर 23 दिसम्बर 2023। विकासखण्ड अम्बिकापुर के वार्ड नम्बर 21 केनाबान्ध निवासी इतवारो बाई कंवर आज मूड़ी उठाके समाज म मनखे मन ले मिलत-जुलत हे। ओकर बताती वार्ड म करीबन सबो के पक्का मकान बन गए हे, वोकर घर कच्चा होए के सेती वोला बने नइ लगत रहिस। संगेच पानी बरसात के दिन म बहुत समस्या के सामना करना परत रहिस, चैन के नींद घलोक दूभर हो गए रहिस। आए दिन छांधी ले पानी चूहई, कच्चा भिथिया मन म सीलन अउ संगेच गर्मी-धूप ले परेशानी होत रहिस। मैं घर म काम काज करके परिवार के पालन-पोषण करथंव, अइसन म पक्का घर बनाना बहुत मुश्किल रहिस। तब मोला नगर निगम के अधिकारी मन ले प्रधानमंत्री आवास योजना ले मिलइया लाभ के बारे म पता चलिस। मैं ह तुरतेच आवेदन करेंव अऊ मोला कुछेक दिन म स्वीकृति मिल गे, आज मोर मकान बनके तियार हे। जम्मो परेशानी अब दूर हो गे, समाज म अब हमर इज्ज़त बाढ़ गे हे, ये पाए के मैं प्रधानमंत्री श्री नरेन्द्र मोदी के धन्यवाद करत हंव।
गांव म अर्जुन दास के हे अब अपन पक्का मकान
ग्राम हर्राटिकरा के निवासी अर्जुन दास के सपना के मकान अब बनके तियार हे। ओखर पूरा परिवार स्वच्छ सुंदर घर म सुकून के संग निवास करत हे। अर्जुन ह बताइस के अड़बड़ दिन के ओखर सपना रहिस कि ओखर घलोक एक सुंदर पक्का मकान होवय, वोखर ये सपना ल साकार करे म शासन ह मदद करिस। प्रधानमंत्री आवास योजना ले वोला पक्का मकान बनाए म सहायता मिलीस, योजना ले मिले राशि ले वो ह पक्का घर बनवाइस। ओकर बताती पहिली ओखर घर कच्चा रहिस, जेखर सेती कई ठन दिक्कत के सामना वो मन ल करना परत रहिस। आर्थिक स्थिति कमजोर होए के सेती वो ह कभू नइ सोचे रहिस के कच्चा घर ले छुटकारा मिलही, फेर आज वो ह अपन खुद के पक्का मकान ल देखके खुस हे। प्रधानमंत्री श्री नरेंद्र मोदी के ये योजना के माध्यम ले आज वोकर ये सपना साकार होय हे।