प्रदेश के पहला गोठान जिहां लगथे गोठान पाठशाला

अम्बिकापुर, अम्बिकापुर के तीरेच स्थित सोहगा गांव म प्रदेश के पहला गोठान हे, जिहां गोठान पाठशाला लगथे। तीन दिन के पाठशाला म इहां के महिला मन दुसर जगा के महिला मन के कक्षाएं लेती हे। सरगुजा के महिला मन ल निःशुल्क पढ़ाया जात हे। वहीं दूसरे जिला के महिला मन बर शुल्क निरधारित हे। ये वाले गोठान मल्टी एक्टिविटी सेंटर के रूप म स्थापित हो चुके हे।
सरगुजा जिला म कुल 284 गोठान हे। एमां अलग-अलग रोजगारमूलक गतिविधि मन के संचालन होवत हे। ये गोठान आत्मनिर्भरता के मिसाल हे। इहां के गोठान संचालन करइया महिला मन ह अपन आय ल बढ़ाए के परिणाम मूलक काम करत हें। अब दूसर जिला ले गोठान के संचालन करइया महिला मन ल आय अर्जित करे के पाठ तको एमन पढ़ावत हें। महिला मन इहां आके आयमूलक गतिविधि मन देखथें अऊ सीखथें। गोठान ले आय अर्जित करे के न सिरिफ सैद्धांतिक भलुक प्रायोगिक चीज मन के अध्ययन तको इहां होथे।
कम समय म बनेच कमई करईया सोहगा गोठान ल संचालित करइया तीन अलग-अलग महिला समूह मन ह संघरा उदीम करके आदर्श गोठान म बनेच आमदनी कमाए हें। इमन ल वर्मी कंपोस्ट अऊ सुपर कंपोस्ट ले तीन लाख अऊ अंडा उत्पादन ले 90 लाख के शुद्ध नकद आय अर्जित होए हे।