अम्बिकापुर, मुख्यमंत्री श्री भूपेश बघेल के मासिक रेडियो वार्ता ’’लोक वाणी’’ के पाचवां कड़ी के प्रसारण ल आज अम्बिकापुर जनपद अंतर्गत ग्राम पंचायत सरगंवा के पंचायत भवन म गांव वाले मन कोति ले उछाह के संग सुने गीस। गांव वाले मन ह मुख्यमंत्री के वार्ता ल सुनके प्रतिक्रिया देवत कहिन कि राज्य शासन कोति ले आदिवासी लोककला अऊ परंपरा ल सहेजे बर नेशनल ट्रायबल डांस अऊ युवा महोत्सव के आयोजन करे जात हे। मुख्यमंत्री ह खुद ए आयोजन बर पहल करे हे।
ये बेरा म ग्राम पंचायत सरगंवा के उप सरपंच श्री कृष्ण कुमार सिंह, ग्राम पंचायत सचिव श्री मोती कुमार यादव, श्रीमती सनकुवंर, श्री दयाल नगेशिया, श्री गौवरांग तरफदार, श्रीमती दशमेत कुशवाहा संग बड़ी संख्या म ग्रामीण उपस्थित रहिन।
