अम्बिकापुर, 17 जून 2021।नगर निगम अम्बिकापुर म भृत्य के नौकरी करके परिवार के भरण पोषण करइया वाले मां के देहांत के बाद बड़े भाई के घलोक मौत हो जाय ले 12 बछर के नोनी के देखभाल के जिम्मेदारी घलोक मोर उपर आ गीस जेखर सेती मोर उपर मुसीबत के पहाड़ टूट परिस। पिताजी पहिलीच ले परिवार ले अलग रहत रहिन। सीमा बंधन के सेती मां के जगा म अनुकम्पा नियुक्ति घलोक नइ मिलत रहिस। रोजगार के कोनो जरिया नइ होए ले बड़ कठिन दौर ले जिंदगी गुजरत रहिस। राज्य शासन कोति ले अनुकम्पा नियुक्ति म 10 प्रतिशत के सीमा बंधन खतम करे ले अब नगर निगम म सहायक ग्रेड 3 के पद म नियुक्ति मिले ले राहत मिले हे। मंगल के इहां बड़का थिरावन भवन म आयोजित विकास काम मन के वर्चुअल भूमिपूजन अऊ लोकार्पण कार्यक्रम म अम्बिकापुर के दर्रीपारा निवासी योगिता जायसवाल के ये संघर्षपूर्ण अऊ मार्मिक बात ल सुनके मुख्यमंत्री श्री भूपेश बघेल भावुक हो गए। उमन योगिता ले कहिन कि आप मन कठिन दौर के सामना करे हव फेर अब नौकरी मिल जाय ले बहुत हद तक राहत मिले होही।
अपन वर्चुअल गोठ म मुख्यमंत्री ह कहिन कि हमर सरकार के कोसिस हे कि नियम मन ल सरलीकरण करके मनखे मन ल राहत अऊ लाभ पहुंचाए जाय। इही कड़ी म हमन अनुकम्पा नियुक्ति म नियम शिथिल करे हन। अइसनहे अब अपन जमीन म पेड़ लगाय के बाद काटे बर अनुमति बर कोनो दफ्तर के चक्कर लगाय के जरूरत नइ हे। ये बेरा म स्वामी आत्मानंद शासकीय उत्कृष्ट विद्यालय ब्रम्हपारा के विद्यार्थी प्रकृति मलतियार ह घलोक मुख्यमंत्री ले बात करके स्कूल म उपलब्ध संसाधन, सुविधा अऊ वातावरण के बारे म बताईस। मुख्यमंत्री ह प्रकृति के फर्राटेदार अंगरेजी वार्ता के तारीफ करिन अऊ पूछिन- आर यू सटिस्फाइड त प्रकृति ह कहिस यस।
योगिता के संघर्ष के किस्सा सुन के भावुक होइन मुख्यमंत्री
