पहाड़ी कोरवा युवती शिवरात्रि बनीस चैनमेन
शासन-प्रशासन के प्रति जताइस आभार
अम्बिकापुर, मुख्यमंत्री श्री भूपेश बघेल के सोंच के मुताबिक जिला के विशेष पिछड़ा जनजाति के युवा मन ल तीसर अऊ चतुर्थ श्रेणी के पद मन म नियुक्ति देहे जात हे। इही कड़ी म लुण्ड्रा जनपद के ग्राम जमोनी निवासी श्रीमती शिवरात्रि के नियुक्ति जिला स्थापना अंतर्गत भू-अभिलेख कार्यालय म चैनमेन के पद म होए हे। सरकार कोति ले विशेष पिछड़ी जनजाति के मनखे मन ल सरकारी नौकरी देहे बर विशेष भर्ती अभियान शुरू करे अऊ ये अभियान के तहत श्रीमती शिवरात्रि ल चैनमेन पद म नियुक्ति मिले म श्रीमती शिवरात्रि ह खुस होत मुख्यमंत्री श्री भूपेश बघेल अऊ जिला प्रशासन के प्रति आभार व्यक्त करे हे।
पहाड़ी कोरवा विशेष संरक्षित जनजाति के अइसन मनखे हे जेन मुख्य धारा ले कटे हें अऊ कोनो ले बात करे म घलोक झिझकथें। श्रीमती शिवरात्री ले नियुक्ति के संबंध म पूछे म वो ह ठोठकत बताइस कि नौकरी मिल गए हे, परिवार के सबो सदस्य खुश हें।
मुख्यमंत्री श्री भूपेश बघेल के निर्देश के मुताबिक कलेक्टर श्री कुंदन कुमार के मार्गदर्शन म नियम के मुताबिक विशेष पिछड़ी जनजाति के युवा मन के भर्ती करे जात हे। कलेक्टर ह बताइस कि छत्तीसगढ़ शासन सरलग आदिवासी मन के संस्कृति के संरक्षण के संगें-संग ऊंखर आर्थिक, सामाजिक अऊ शैक्षणिक विकास के दिशा म काम करत हे। आदिवासी समुदाय म खुशी के लहर व्याप्त हे। हम विशेष पिछड़ी जनजाति के मनखे मन ल समाज के मुख्य धारा म लाय के हर संभव प्रयास करत हन। शासकीय नौकरी म उंखर सहभागिता बाढ़त हे। विश्व आदिवासी दिवस 9 अगस्त के राज्य म सबले जादा 39 शिक्षित युवा मन ल नियुक्ति पत्र प्रदान करे गए हे। अभी भर्ती के प्रक्रिया जारी हे।