अम्बिकापुर : सिंचाई के मिलीस सही जरिया त किसान देवनाथ म घलोक जागीस कुछ बड़का करे के ललक

अम्बिकापुर, मनरेगा योजना के सफल क्रियान्वयन ह जिला के कई गांव मन म गांव वाले मन के जिंदगी बदलत हे। अइसनहेच एक कहानी जनपद पंचायत बतौली के ग्राम पंचायत झरगवां के किसान देवनाथ के हे। देवनाथ तीर 3.86 एकड़ जमीन तो हे, फेर सिंचाई सुविधा नइ होए के सेती सिरिफ बारिश के मौसम म ही धान के खेती कर पाथे, जेखर से वो अपन कुटुंब के भरण-पोषण करत रहिस। पानी के कमी के सेती खेत ज्यादातर समय सूखा रहय, जेन आर्थिक उन्नति म बाधा रहिस। वो ह आगू बढ़े के चाहत म अपन निजी जमीन म डबरी निर्माण के बारे म सोचिस। देवनाथ बताथे के ओखर परिवार महात्मा गांधी राष्ट्रीय ग्रामीण रोजगार गारंटी योजना म पंजीकृत परिवार हे, ओ मन ल योजना के तहत डबरी निर्माण के बारे म जानकारी मिलीस। एखर बाद साल 2023-24 म डबरी निर्माण बर 2.99 लाख रुपिया के स्वीकृति मिलीस। डबरी बने के बाद देवनाथ ल सिंचाई के माध्यम ले खेती-किसानी बर भरपूर पानी मिले लग गए हे। अब ओ ह एखर अलावा मछली पालन अउ सब्जी-बाड़ी के काम घलोक करत हे, जेखर से वोखर आय म बढ़ोतरी होवत हे। अब ओ ह उन्नत किसान बनके उभरे हे। वोखर जीवन स्तर म काफी सुधार देखे ल मिलत हे अऊ वोखर सामाजिक अउ आर्थिक स्थिति घलोक सुदृढ़ होवत हे।