गोधन न्याय योजना ले पशुपालक मन ल मिलीस सहारा

अम्बिकापुर, 16 दिसम्बर 2020। पशुपालक मन बर अब गोबर ह जबर अकतहा आय के जरिया बन गए हे। गोधन न्याय योजना के तहत गोबर के विक्रय ले रूपिया मिले ले पशुपालक मन ल आर्थिक संबल मिलत हे। सरगुजा जिला के 158 गौठान मन म 9 वां चरण के अंतर्गत अब तक कुल 52425.09 कुंटल गोबर के खरीदी करे गए हे जेखर एवज म 1 करोड़ 04 लाख राशि के भुगतान पंजीकृत पशुपालक मन के खाता म अंतरित करे गए हे। सरगुजा जिला म अभी तक 5225.09 कुंटल गोबर क्रय करे गए हे अऊ 4002.30 कुंटल वर्मी कम्पोस्ट उत्पादन हो चुके हे। सरगुजा जिला म क्रय गोबर के शत प्रतिशत उपयोग बर वर्मी कम्पोस्ट उत्पादन के अलावा गोबर ले निर्मित आन उत्पाद जइसे गोबर गमला, तुलसी चौरा, गौकास्ट, धूप अगरबत्ती आदि के निर्माण महिला स्व-सहायता समूह ह करत हें जेखर से समूह के महिला मन ल 84000.00 रूपिया के लाभ मिलत हे। सरगुजा जिला म अभी तक 400.65 कुंटल वर्मी कम्पोस्ट उद्यान विभाग, वन विभाग अऊ किसान मन ल विक्रय करे गए हे। जेखर एवज म 320520.00 रूपिया गौठान समिति मन के खाते म अंतरित करे गए हे। वर्मी कम्पोस्ट के सबले जादा विक्रय मूल्य प्राप्त करे बर वोमा जरूरी सूक्ष्मजीव मिलाके ओखर गुणवत्ता बढाए जात हे अऊ विक्रय बर कई कम्पनी मन ले चर्चा चलत हे। सरगुजा जिला म वर्मी कम्पोस्ट विक्रय ले प्राप्त राशि 320520.00 रूपिया म ले 465390.00 रूपिया स्व-सहायता समूह मन अऊ 5530.00 रूपिया गौठान समिति ल प्रदान करे गए हे।